शिशिर उजाड,पोखरा। पोखरा २३ चापाकोटमा रहेको चापाकोट आधारभुत विद्यालयका विद्यार्थीलाई न्यानो कपडा सहित स्टेशनरी र खे्लकुदका सामाग्री प्रदान गरिएको छ ।पोखरामा सुनचाँदी व्यवसायमा संलग्न युवा उद्यमीको संस्था सुनौलो युवा उद्यमी संस्थाले तिहारमा देउँसी भैलो खेलेर संकलन गरेको रकमबाट त्यस विद्यालयका २७ जना विद्यार्थीलाई जाडोका लागि न्यानो कपडा सहित आवश्यक स्टेशनरी र खेलकुदका सामाग्री हस्तान्तरण गरिएको हो ।

शुक्रबार विद्यालयमा आयोजित कार्यक्रमम वडाध्यक्ष रामकाजी गुरुङ, नेपाल सुनचाँदी व्यवसायी महासंघ गण्डकीका अध्यक्ष चन्द्रकिशोर गौतम, नेपाल सुनचाँदी व्यवसायी संघ कास्कीका अध्यक्ष भविन्द्र विश्वकर्मा र संस्थाका अध्यक्ष मनोज विश्वकर्मा “विनोद” ले हस्तान्तरण गरे । कार्यक्रममा बोल्दै वडाध्यक्ष गुरुङले विद्यालयमा विद्यार्थीको आर्कषण बढाउन यस्ता कार्यक्रमले ठुलो भुमिका खेल्ने बताए ।

महासंघ गण्डकीका अध्यक्ष गौतमले युवा उद्यमी संस्थाले गरेको कार्य प्रशंसनिय रहेको बताउँदै,सबैको सहयोगबाट नै संस्था बलियो बन्ने बताए ।संघ कास्कीका अध्यक्ष विश्वकर्माले शिक्षाका क्षेत्रमा युवा उद्यमी संस्थाले सहयोग गरेको र त्यसमा उपस्थिती हुन पाउँदा संघ नै सम्मानित भएको बताए । कार्यक्रममा विद्यालयका प्रधानाध्यापक यामकला थापा, कार्यक्रमका मुल संयोजक दुर्गा बहादुर सुनार, संयोजक कमल सुनार, युवा उद्यमी विजय सुनार लगायतले ग्रामीण क्षेत्रका विद्यालयमा गुणस्तरीय शिक्षा भएपनि विद्यार्थीको आर्कषण कम रहेको बताए ।

संस्थाका अध्यक्ष मनोज सुनार “विनोद”को अध्यक्षतामा भएको कार्यक्रमको संचालन युवा उद्यमी संस्थाका सचिव श्रीकृष्ण सुनारले गरेका थिए । संस्थाले करिब ७० हजार रुपैंया बराबरको सामाग्री बितरण गरेको जनाएको छ ।

लाेक कल्याणकारी