पर्वत । पर्वत जिल्लामा आगामी पुष ९ गतेदेखि १९ गतेसम्म आठौं पर्वत महोत्सव आयोजना हुने भएको छ । पर्वत उद्योग वाणिज्य संघको मुख्य आयोजनामा हुने महोत्सवको तयारी तीव्र रूपमा भइरहेको आयोजकले जनाएको छ । यस वर्षको पर्वत महोत्सवमा कृषि, उद्योग, पर्यटन र संस्कृतिको प्रवर्द्धनसँगै स्थानीय उत्पादनको प्रदर्शनी र बिक्री हुने जनाइएको छ ।

महोत्सव अवधिभर विभिन्न सांस्कृतिक कार्यक्रम, दोहोरी प्रतियोगिता, खेलकुद तथा मनोरञ्जनात्मक प्रस्तुति समेत आयोजना गरिनेछ । साथै जिल्लाका कृषि, हस्तकला, घरेलु उद्योग र स्थानीय संस्कृतिलाई व्यापक प्रचार–प्रसार गर्ने लक्ष्य लिइएको छ ।

महोत्सव तयारीका बारेमा जानकारी दिँदै उद्योग वाणिज्य संघ पर्वतका बाण्ज्यि उपाध्यक्ष शिव शर्मा पौडेलले महोत्सवले जिल्लाको आर्थिक, सामाजिक र सांस्कृतिक विकासमा टेवा पुर्‍याउने विश्वास व्यक्त गर्नुभयो । उहाँका अनुसार महोत्सवका लागि तयारीका लागि बैठक बस्ने र छलफल गर्ने कार्य भैरहेको छ ।

लाेक कल्याणकारी