रामचन्द्र भुसाल, पर्वत । विजया दशमी तथा शुभ दिपावलि २०८२ को अवसर पारी पर्वतको फलेवासमा शुभकामना आदानप्रदान कार्यक्रम सम्पन्न भएको छ । मोती सामुदायिक पुस्तकालय, समुदायिक रेडियो पर्वत, मोती सामुदायिक सिकाई केन्द्र, मोती महलिा बचत तथा ऋण सहकारी संस्था, र टेक एज युथको आयोजनामा कार्यक्रम सम्पन्न भएको हो ।
आईतबार पुस्तकालयको सभाहलमा सम्पन्न भएको कार्यक्रममा संविधान सभा सदस्य विकास लमसाल, फलेवास नगरपालिकाका नगरप्रमुख गंगाधर तिवारी, उप–प्रमुख शोभा कुमारी क्षेत्री, सामाजिक विकास समिति संयोजक तथा खानीगाउँका वडाध्यक्ष नारायण प्रसाद लामिछाने, समाजसेवी तथा वरिष्ठ इन्जिनियर रामेश्वर लमसाल, पुस्तकालय व्यवस्थापन समिति सदस्य तथा समाजसेवी, पूर्ण प्रसाद शापकोटा, ल्याम बहादुर दर्जी, सिकाई केन्द्रका सदस्य सिताराम लामिछाने, हेम शर्मा तिवारी, समाजसेवी खड्क लामिछाने, ट्याग संयोजक रमा भुसाल पोख्रेल, लाईब्रेरीयन शुसिलादेवी शर्मा, टेक एज युथका प्रतिनिधि निर्माण तिवारी र कृषा तिवारीले शुभकामना मन्तव्य ब्यक्त गर्नुभएको थियो ।
कार्यक्रममा बोल्ने वक्ताहरुले शुभकामना मन्तब्यसंगै जेन–जी आन्दोलन र पछल्लो देशको अवस्थाको बारेमा चासो व्यक्त गरेका थिए । कार्यक्रममा बोल्दै फलेवास नगरपालिकाका नगरप्रमुख गंगाधर तिवारीले केहि समय पहिले जेन–जी पूस्ताले गरको आन्दोलनले देशमा नयाँ मोड ल्याउने उद्धेश्य राखेको बताउँदै तिनिहरुको उद्धेश्यविपरीत घुसपैठ हुन गई विभिन्न क्षेत्रमा क्षति हुन पुगेको बताउनुभएको थियो ।
पछिल्लो समयमा मिडियामा आउने घुस काण्ड तथा अनियमिताको बारेमा औला ठडाउँदै नगरप्रमुख तिवारीले आफु भ्रष्टचार विरोधी नेता भएको दावी गर्नुभयो । उहाँले देशमा बढ्दै गईरहेको भ्रष्टचार र अनियमितामा छानविन गर्न माग गर्दै जेन–जी पूस्ताले गरेको आन्दोलन र उनीहरुका मागहरुमा आफहरु सकरात्मक रहेको धारणा व्यक्त गर्नुभयो । प्रमुख तिवारीले हामी स्वयम आफु सचेत बनी सक्ने ठाउँबाट खवरदारी गर्दै फलेवास नगरपालिकामा सञ्चालित हरेक कार्यक्रम तथा गतिविधिमा पनि निग्रानी बढाउन आह्वान गर्दै कुनै त्यस्तो ठाउँबाट भ्रष्टचार तथा अनियमितता भएको गन्ध आएमा तुरुन्त खवरदारी गर्न अनुरोध गर्नुभयो ।
आफू स्थानीय सरकार प्रमुख भईसकेपछी उहाँले नगरबाट पाउने सेवासुविधाहरुलाई पनि कटौती गरी फलेवासबासिहरुको सेवामा खेलेर सयहोग गरेको कुरा स्मरण गराउनुभएको थियो । उहाँले फलेवास नगरपालिकाका विभिन्न विद्यालय तथा संघ सस्थाहरुमा लाखौँ रुपैयाँ बराबरको अक्षयकोष स्थापना गरी दिन दुःखीहरुको सेवामा समर्पीत भएको जिकिर गर्नुभयो । साथै उहाँले नेपालीहरुको घरआगनिमा छाइरहेका महान पर्व विजया दशमि तथा शुभ दिपावलिको पावन अवसरमा सुख, शान्ति, समृद्धिको हार्दिक मंगलमय शुभकामना प्रदान गर्दै जेन–जीको आन्दोेलनाम ज्यान गुमाएकाहरु प्रति श्रद्धासुमन प्रकट गरी घाइतेहरुको सिघ्र स्वास्थ्य लाभको कामना गर्नुभयो । कार्यक्रममा बोल्दै संविधान सभा सदस्य विकास लमसालले हालको देशको अवस्थाबारे सवै संयमित भएर सोच्नुपर्ने यो बेलामा शान्त तथा मर्यादित वातावरण सिर्जना गर्न जरुरत रहेको बताउनुभयो ।
गण्डकि प्रदेशका पूर्व पर्यटन मन्त्री समेत रहनुभएका लमसालले अहिलेको जेन–जी पूस्ताले गरेको आन्दोलन जायज रहेको तर त्यसलाई हामी सवै नेपाली जनताले सहि ढंगबाट बुझ्न जरुरी रहेको दावी गर्नुभयो । कतिपयले जेन–जी भनेके हो यो समुहभित्र के कती उमेरका व्यक्तिहरु पर्दछन् ? जेन–जीका खास माग केके हुन् ? भन्ने कुरानै नबुझि प्रदर्शनकारीहरु सडकमा उत्रीएका कारण देशले संकटको अवस्था भोग्नुपरेको जीकिर गर्नुभयो । सवैले सकारात्मक सोच राख्दै भ्रष्टचार तथा अनियमितताको विरुद्धमा बलियो रुपमा अडानका साथ लाग्न अनुरोध गर्दै आउँदै गरेका नेपालीहरुका चाडपर्वहरुलाई सम्बोधन गरी सम्पूर्णमा शुभकामना व्यक्त गर्नुभएको थियो ।
ए पुस्तकालय व्यवस्थापन समितिका अध्यक्ष कृष्ण राज पौडेलको अध्यक्षता, बरिष्टठ लाईब्रेरीयन इन्द्र प्रसाद शापकोटाको स्वागत मन्तव्यमा सम्पन्न भएको कार्यक्रमको सञ्चालन रेडियो पर्वतका स्टेशन म्यानेजर रामचन्द्र भुसालले गर्नुभएको थियो । सोही अवसरमा पुस्तकालयमा सञ्चालित टेक एज युथ परीयोजनामा आवद्ध ६० जना विद्यार्थीहरुलाई स्टेशनरी सामग्री समेत प्रदान गरीएको थियो ।
