शिशिर,पोखरा ।पोखराको लामाचौरमा हुने तीज महोत्सवलाई एक्सपर्ट एजुकेशन एण्ड भिसा सर्भिसेजले सघाउने भएको छ ।लामाचौरमा ३ दिनसम्म सञ्चालन हुने महोत्सव अन्तर्गतको अन्तर मावि छात्रा भलिबल प्रतियोगिताको टाइटल स्पोन्सर एक्सपर्टले गरेको हो ।सो सम्बन्धमा आयोजक नवआदर्श सामुदायिक विकास समाज र एक्सपर्ट एजुकेशन एण्ड भिसा सर्भिसेज बीच उक्त सम्झौता भएको हो । सम्झौतापत्रमा आयोजक तर्फबाट अध्यक्ष दिनेश भण्डारी र कन्सल्टेन्सीका तर्फबाट पोखराका शाखा प्रमुख सलि देवान र बिजनेस डेभलपमेन्ट म्यानेजर विष्णुप्रसाद गौतमबीच हस्ताक्षर भएको छ । चिप्लेढुंगास्थित पोखरा ट्रेड मलको पहिलो र दोस्रो तलामा कार्यालय रहेको उक्त कन्सल्टेन्सीले अष्टे्लिया, युके, यूएस, क्यानडा र न्यूजिल्याण्डमा विद्यार्थी पठाउँदै आएको छ ।

समाजले संस्थाको आगामी भदौ ८ देखि १० गतेसम्म २९ औं वार्षिकोत्सव समारोह एवं २७ औं लामाचौर तीज महोत्सव गर्दैछ । लामाचौरस्थित इन्द्रराज्यलक्ष्मी मावि परिसरमा हुने उक्त कार्यक्रममा विविध सांस्कृतिक एवं खेलकुदका गतिविधि हुने छन् । अन्तरमावि छात्रा भलिबलसहित लामाचौर कप खुला पुरुष भलिबल प्रतियोगिता यहाँको प्रमुख आकर्षण हो ।

हरितालिका तीज नजिकिँदै जाँदा महोत्सवको तयारी पनि तिव्र पारिएको अध्यक्ष भण्डारीले जानकारी दिए । तीजको दिन पोखरेली लगायत देशका विभिन्न जिल्लाबाट महोत्सव हेर्न आउनेको घुइँचो नै लाग्ने गर्दछ ।

लाेक कल्याणकारी