सुचनाकेन्द्र संवाददाता प्रकाशित : २०८२/४/२४ गते
काठमाडौं। कैलाली जिल्ला कारागारमा कैदीबन्दीबीच झडप हुँदा एक जनाको मृत्यु भएको छ । मृत्यु हुनेमा धनगढी–४ का भरत चौधरी रहेको जिल्ला प्रहरी कार्यालय कैलालीले जनाएको छ ।
घटनामा ४७ जना घाइते भएका छन् । घाइते भएका मध्ये ३ जनाको अवस्था गम्भीर छ । शुक्रबार राति ११ बजेको समयमा झडप भएको थियो । झडपका क्रममा सख्त घाइते भएका चौधरीलाई उपचारका लागि सेती प्रादेशिक अस्पताल पुर्याइएको थियो । उनको त्यही मृत्यु भएको हो । मृतक ४० वर्षीय चौधरी लागुऔषधि मुद्दामा थुनामा थिए । उनको शव सोही अस्पतलाको शवगृहमा राखिएको छ ।
प्रहरीका अनुसार घाइतेहरुको सेती प्रादेशिक अस्पतालमै उपचार भइरहेको छ । कारागारमा बिहीबारदेखि नै झडप भएको थियो ।
