पर्वत। जिल्लाको जलजला गाउँपालिका–८, फर्सेस्थित श्री शुक्लेश्वर महादेव मन्दिर परिसरमा श्रावणमास महोत्सव भव्य रूपमा चलिरहेको छ ।श्रावण महिनाको पवित्र अवसर पारेर शुक्लेश्वर महादेव मन्दिरमा नियमित रूपमा कालाञ्जर हम्पाल महागुरुको तपोभूमि र कालिगण्डकीको पावन तटमा विविध धार्मिक कार्यक्रमहरू सञ्चालन भइरहेका छन् । महोत्सव अवधिभर शिव अभिषेक, हवन, हरिहर पूजन, एकादशी महाद्वार प्रवचन, लक्ष्मीपाठ, भगवान नामस्मरण, गङ्गा महाआरती लगायतका कार्यक्रमहरू भइरहेका छन् । कार्यक्रम दैनिक बिहान ६ः३० बजेबाट सुरु भई मध्याह्न १२ः३० बजे सम्पन्न भइरहेका छन् । साथै, प्रत्येक सोमबार साँझ ५ः०० बजे श्रीकृष्णगण्डकी सप्तम महाआरती समेत भइरहेको छ ।

धार्मिक आस्थाका साथै प्राकृतिक सौन्दर्य र शालग्राम संरक्षणको सन्देश फैलाउने उद्देश्यसहित सञ्चालन गरिएको महोत्सवमा श्रद्धालु भक्तजनलाई सहभागिताका लागि आयोजक समितिले अनुरोध गरेको छ । यस अवसरमा शिव पूजन सहयोगका लागि विभिन्न दरका सहयोग कार्यक्रमसमेत सार्वजनिक गरिएको छ । जसमा एक आवधिक रुद्राभिषेकदेखि श्रीकृष्णगण्डकी महाआरतीको व्यवस्थासम्मका विभिन्न योगदानका रूपहरू समावेश छन् ।

कार्यक्रमको आयोजना श्रावणमास उत्सव मूल आयोजक समितिद्वारा गरिएको हो भने शुक्लेश्वर महादेव मन्दिर व्यवस्थापन समितिले सहकार्य गरेको छ । कार्यक्रमलाई व्यवस्थित गर्न अध्यक्ष तारानाथ रेग्मी र सचिव हरेमबहादुर खत्रीले नेतृत्व गरिरहेका छन् ।

लाेक कल्याणकारी