पर्वत । नेपाल प्रेस युनियनको ३४औं स्थापना दिवसको अवसरमा नेपाल प्रेस युनियन पर्वत शाखाले विविध कार्यक्रम आयोजना गरी स्थापना दिवस भव्य रूपमा मनाएको छ। आज लोकतान्त्रिक चोकमा आयोजित दीप प्रज्वलन कार्यक्रमका साथ स्थापना दिवस विशेष रूपमा सम्पन्न भएको हो।
कार्यक्रममा प्रेस चौतारीका अध्यक्ष दिपेश बि. पोखरेल, प्रेस संगठनका लक्ष्मण विश्वकर्मा, प्रेस सेन्टर गण्डकी प्रदेश सदस्य प्रनिश गिरी, सञ्चारिका समूह पर्वतकी अध्यक्ष रञ्जना खत्री, पत्रकार महासंघ पर्वत अध्यक्ष लक्ष्मण सापकोटा, प्रेस युनियनकी केन्द्रीय सदस्य माया अधिकारी, पत्रकार महासंघ केन्द्रीय सदस्य छबीलाल तिवारीलगायत विभिन्न सञ्चारकर्मी तथा पत्रकारहरूको उपस्थिति रहेको थियो।
उनीहरूले प्रेस स्वतन्त्रता, लोकतन्त्रको सुदृढीकरण, र पत्रकारिताको भूमिकाबारे शुभकामना मन्तव्य व्यक्त गरेका थिए। कार्यक्रममा प्रेस युनियन पर्वत अध्यक्ष उत्तम अधिकारीको अध्यक्षता रहेको थियो भने सञ्चालन सचिव सुमन जंग थापाले गर्नुभएको थियो।
