शिशिर,पोखरा । गण्डकी प्रदेश सरकारले प्रदेश मातहतका ९ वटा अस्पतालहरूको स्तरोन्नति गरेको छ। मन्त्री परिषदको बैठकले मंगलबार गरेको निर्णय अनुसार ५० शैयामा संचालित धौलागिरी प्रदेश अस्पताल, बागलुङ र १५ शैयामा संचालित मध्यविन्दु प्रादेशिक अस्पताल, नवलपरासी (व.सु.पू.) लाई १०० शैयामा स्तरोन्नति गरिएको बताइएको छ।
२५ शैयामा संचालित मातृशिशु मितेरी प्रादेशिक अस्पताल, कास्कीलाई ५० शैयामा, प्रादेशिक जनरल तथा सरूवा रोग अस्पताल, कास्कीलाई ५० शैयामा, पर्वत, स्याङ्जा र तनहुँ जिल्लामा संचालित १५ शैयाका प्रदेश अस्पतालहरूलाई ५० शैयामा एवं मुस्ताङ र मनाङ जिल्लामा संचालित १५ शैयाका प्रदेश अस्पतालहरूलाई २५ शैयामा स्तरोन्नति गरिएको हो।
गण्डकी प्रदेश सरकारले यस अघि लमजुङ जिल्लास्थित प्रदेश अस्पताल, बागलुङ जिल्लास्थित बुर्तिवाङ अस्पताल र गोरखा जिल्लास्थित आँप पिपल अस्पताल गरी ३ वटा प्रदेशस्तरका अस्पताललाई ५० शैयामा स्तरोन्नति गरिसकेको छ ।
