पोखरा। महानगरपालिका वडा नं ।२५ हेमजामा ३५ वर्ष माथिको उमेर समूहको “अन्तर वडा स्तरीय फुटबल प्रतियोगिता–२०८२”को दोस्रो दिन दुई खेल सम्पन्न भएको छ ।

आइतवार भएको पहिलो खेल वडा न. १७ र १ बिच भएको थियो ।जस्मा १ ले २–१ गोलको अन्तरले पछि पार्दै विजयी भयो । वडा न.८ र ५ बिच भएको दोस्रो खेलमा ४–१ गोल अन्तरले वडा न.५ ले जित आफ्नो पक्षमा पार्न सफल भयो । भोलि पहिलो खेल वडा न १३ र १४ बिच हुनेछ । दोस्रो वडा न. २५ निलो र वडा न. २० बिच हुने खेल संयोजक इन्द्र बहादुर कुंवारले जानकारी दिनु भयो ।

१३ समूहको सहभागिता रहेको प्रतियोगितामा प्रथम पुरस्कार रु १ लाख ११ हजार १११ र द्धितिय पुरस्कार रु ५५ हजार ५५५ साथमा ट्रफी, मेडल र प्रमाणपत्र रहेको छ । उत्कृष्ट विधागत पुरस्कार तर्फ सर्वाधिक गोलकता, उत्कृष्ट गोलरक्षक,उत्कृष्ट डिफेन्डर,उत्कृष्ट मिडफिल्डर र उत्कृष्ट फरवार्डलाई प्रत्येक विधामा नगद रु २ हजार साथमा ट्रफि प्रदान गरिने छ । साथै प्रतियोगिता अवधिभरको उत्कृष्ट खेलाडीलाई नगद रु ५ हजार साथमा ट्रफी र क्वाटर फाइनल देखिका म्याचहरूमा म्यान अफ दि म्याच घोषण गरी ट्रफी प्रदान गरिने क्लबका अध्यक्ष कृष्णमान श्रेष्ठले जानकारी दिए ।

खेल जेष्ठ १७ गते सम्म गौरीशंकर खेल मैदान(गौरी) मा सञ्चालन हुनेछ ।

लाेक कल्याणकारी