पर्वत।राष्ट्रिय लोक तथा दोहोरी गीत प्रतिष्ठान पर्वत शाखाद्वारा आयोजित गण्डकी लोक तारा छनोट कार्यक्रम आज कुश्मा, पर्वतमा सफलतापूर्वक सम्पन्न भएको छ। प्रतिष्ठानका अध्यक्ष पुजा शर्मा कार्कीका अनुसार असार ७ गते सङ्गीत दिवसको अवसरमा पोखरामा आयोजना हुने गण्डकी लोक तारा अन्तिम प्रतियोगितामा गण्डकी प्रदेशका ११ वटै जिल्लाबाट छनोट भएका प्रतिभागीहरू सहभागी हुनेछन्।

पर्वत जिल्लाबाट कुल १७ जना प्रतियोगी सहभागी भएका थिए। तीमध्ये प्रथम स्थान अप्सन विश्वकर्मा, द्वितीय स्थान शोभा परियार, द्वितिय र तृतीय स्थान प्रकाश पौडेल पोखरा फाइनलका लागि छनोट हुनुभएको छ।

कार्यक्रमका प्रमुख अतिथि प्रतिष्ठान नेपालका आजीवन सदस्य तथा समाजसेवी एवं साहित्यिक व्यक्तित्व इन्द्रमान खत्री रहनुभएको थियो। प्रेस चौतारीका अध्यक्ष दिपेश वि. पौडेल लगायत अन्य विशिष्ट व्यक्तिहरूले पनि मन्तव्य राख्नुभएको थियो।

निर्णायक मण्डलमा प्रतिष्ठान पर्वतका संस्थापक अध्यक्ष चित्र सागर श्रेष्ठ तथा आजीवन सदस्य नवराज शर्मा रहनुभएको थियो। कार्यक्रमको अध्यक्षता प्रतिष्ठान पर्वतकी अध्यक्ष पुजा शर्मा कार्कीले गर्नुभएको थियो भने सञ्चालन पत्रकार अर्जुन थापाले गर्नुभएको थियो।

लाेक कल्याणकारी