पर्वत, कुश्मा। प्रगति जननी समूह कुश्मा, पर्वतको पहिलो अधिवेशन भव्य रूपमा सम्पन्न भएको छ। कार्यक्रमका प्रमुख अतिथि कुश्मा नगरपालिकाकी उपमेयर स्वस्थानी रिजालले महिलाहरूले चाहेमा असम्भव केही पनि हुँदैन भन्ने उदाहरणका रूपमा प्रगति जननी समूहलाई प्रस्तुत गर्दै आगामी नेतृत्वलाई सफल कार्यकालको शुभकामना व्यक्त गर्नुभयो।
समूहले सामाजिक कार्यमा सक्रिय सहभागिता जनाउँदै आएको छ। मृगौला पीडित, बेसहारा बालबालिकालगायतका लागि सहयोग गर्दै समूहले समाजमा उदाहरणीय भूमिका निर्वाह गर्दै आएको छ।
कार्यक्रममा विभिन्न संघ-संस्थाका प्रमुखहरूलाई सम्मान गरिएको थियो। संस्थाका अध्यक्ष चन्द्रकला लम्साल पौडेलको अध्यक्षतामा सम्पन्न अधिवेशनमा उपाध्यक्ष कल्पना वि. पौडेलले स्वागत मन्तव्य राख्नुभएको थियो भने कार्यक्रमको सञ्चालन सचिव सृजना पौडेल आचार्यले गर्नुभएको थियो।
प्रगति जननी समुहको दोस्रो साधारणसभा तथा पहिलो अधिवेशनबाट निर्बिरोध सर्बसम्बत रुपमा अध्यक्षमा कल्पना वि पौडल निर्वाचित हुनु भएको छ ।
