शिशिर उजाड,पोखरा । नेकपा एकिकृत समाजवादीको केन्द्रीय सचिवमा कास्कीका श्रीनाथ वराल निर्वाचित भएका छन् । नेकपा एसको पदाधिकारी चयनका लागी भएको निर्वाचनमा १ सय ७ मत प्राप्त गरी वराल निर्वाचित भएका हुन् ।

सचिवमा निर्वाचित भएका अन्यमा शेरबहादुर कुँवर १५३, चन्द्रबहादुर शाही ९१, सोमप्रसाद पाण्डे १४१ र सावित्रीकुमारी भुसाल १०६ मत प्राप्त गरी निर्वाचित भए । सचिवमै उमेद्वारी दिएका पोखरा महानगर पालिकाका मेयर धनराज आचार्य भने पराजित भए ।

उनले ७५ मत प्राप्त गरे । नवनिर्वाचित सचिव वराल पार्टी अध्यक्ष माधव नेपाल पक्षधर हुन् भने पराजित आचार्य महासचिव घनश्याम भुषाल निकट हुन् ।

पोखरा १३ आर्वा निवासी वराल नेकपा एस गण्डकी प्रदेश अध्यक्ष पनि हुन् ।गत निर्वाचनमा कागेस, माओवादी, नेकपा एस गठवन्धनवाट कास्की क्षेत्र नं. २ मा उमेद्वार वनेका वराल, पराजित भएका थिए ।

उनी तेस्रो स्थानमा रहँदै ९ हजार ६ सय ५९ मत प्राप्त गरेका थिए । उनी २०५४ सालमा जिल्ला विकास समिति कास्कीको उपसभापति निवार्चित भई कुशलता पुर्वक कार्य सम्पादन गरेका थिए ।

लाेक कल्याणकारी