पोखरा। पोखरा महानगरपालिका वडा नं ३३ शिववस्तीस्थित शुक्लेश्वर धाम प्राङ्गणमा आजदेखि श्रीमद्भागवत महापुराण, सप्ताह ज्ञान महायज्ञ, शिव महापुराण, बृहत धार्मिक श्रावण मेला एवम् बोलबम महोत्सव सुरु भएको छ । मन्दिरको सर्वाङ्गिण, भौतिक पूर्वाधार विकास निर्माण सहयोगार्थ हुन लागेको महायज्ञ यही साउन २४ गतेसम्म सञ्चालन हुनेछ । कथा शिरोमणि पण्डित दीपकप्रसाद पौडेलको प्रमुख बाचकत्वमा हुने महायज्ञमा विभिन्न देवलिला, जनचेतनामूलक नाटक सहित संगीतमय कथा प्रवचन हुने जनाइएको छ ।

महायज्ञको भव्य समारोहका बीच उद्घाटन गर्नुुहुँदै गण्डकी प्रदेशका कार्यबाहक मुख्यमन्त्री विन्दुुकुुमार थापाले शुक्लेश्वर धामको विकासका लागि प्रदेश सरकारका तर्फबाट सक्दो सहयोग गर्ने विश्वास व्यक्त गर्नुुभयो । गण्डकी प्रदेश सभा सदस्य भीम कार्कीले समाजिक भावनाका साथ सुरु गरिएको महायज्ञमा सबैको साथ र सहयोग आवश्यक हुने बताउनुुभयो । पोखरा महानगरपालिका वडा नं ३३ का वडा अध्यक्ष रामचन्द्र अधिकारीले महायज्ञलाई सबैले आ आफ्ना तर्फबाट सहयोग गर्न आग्रह गर्नुुभयो । महायज्ञका क्रममा श्रीमद्भागवत सतचण्डी, बेदपाठ, रुद्राभिषेक, सहस्र जलधारा, बेलपत्र अर्पण, ग्रहशान्ति पूजा, चौरासी पूजा, अन्नदान, भूमिदान, ब्राह्मण भोजन सहित पितृको फोटो राखी पितृ तर्पण तुलादान, विवाह, ब्रतबन्ध, गुन्युुचोली सहित आरती अर्पण गर्दै धार्मिक सम्बन्धी सम्पूर्ण कार्य सञ्चालन गरिने जनाइएको छ ।

शुक्लेश्वरधाम क्षेत्र विकास संस्था, शिववस्तीका अध्यक्ष एवम् महायज्ञ मूल आयोजक समितिका संयोजक पदमराज पौडेलको सभापतित्व एवम् मूल आयोजक समितिका सदस्य हरिराम पौडेलले सञ्चालन गर्नुुभएको कार्यक्रमको स्वागत समितिका उपाध्यक्ष अञ्जुु भण्डारीले गर्नुुभएको थियो भने शिववस्ती टोल विकास संस्थाका अध्यक्ष रामचन्द्र आचार्य, अनुशासित आमा समूहका अध्यक्ष सावित्री अधिकारी, पोखरा २९ का वडा सदस्य सुकमाया विक, नेपाली काँग्रेस पोखरा ३३ का सभापति तीलकप्रसाद अधिकारी लगायतले महायज्ञको सफलताको शुुभकामना दिनुुभएको थियो ।