पर्वत । अबिरल बर्षातले पर्वतको विभिन्न ग्रामीण क्षेत्रका बस्तीहरुमा क्षति पुगेको छ । बर्षातका कारण कुश्मा २ खुर्कोटमा २ वटा घर पहिरोले पुरेको छ । खुर्कोटको साविक ७ नम्बर वडा भिरमुनी गएको पहिरोले लक्षीमा दर्जी र विष्णुमाया दर्जीको घर पूर्ण रुपमा पुरिएको वडाअध्यक्ष लालकृष्ण शर्माले जानकारी दिए ।

घरका परिवारहरु आफन्तको घरमा बसेका कारण मानवीय क्षति भने नभएको अध्यक्ष शर्माले बताए । उनीहरुलाई सुरक्षित तरिकाले बासको ब्यवस्थापनका लागि वडा कार्यालयले सहयोग गर्ने उनको भनाई छ ।

उता, महशिला गाउँपालिकाका विभिन्न भागमा गएको पहिरोका कारण ३ वटा घरहरु विस्थापीत भएको प्रारम्भिक तथ्यांक छ । महाशिला ५ लुंखुमा २ वटा गोठ पहिरोले पुर्दा २ वटा भैसी र १३ वटा बाख्रामा क्षति भएको छ । महाशिला ४ पाखापानीमा एउटा घरमा बर्षात क्षति पुराएको छ भने बालाकोट र होश्राङदीमा समेत बर्षातले क्षति भएको स्थानीय चन्द्रबहादुर क्षत्रीले उल्लेख गरेका छन् ।

स्थानीय बालकृष्ण उपाध्यायका अनुसार महाशिलामा पर्ने लुंखु हुवास सडक खण्डमा नजिक गएको पहिरोले रुक्मागत अधिकारी गोठ भत्किएको हो ।यसैगरी स्थानीय केशव अधिकराी, कान्ला चापागाई, अमृत अधिकारी, उमाकान्त अधिकारी घरमा पहिरोले क्षति पुगेको छ ।

लाेक कल्याणकारी