पर्वत । पर्वतका पत्रकार लक्ष्मण विश्वकर्मा गण्डकी प्रदेश सरकार सामाजिक विकास तथा स्वास्थ्य मन्त्रालयबाट पुरस्कृत हुनुभएको छ ।
गण्डकी प्रदेश सरकारको आयोजनामा संचालित “युवा प्रतिभा पहिचान तथा सम्मान कार्यक्रम” अन्तर्गत पर्यटन प्रवर्द्धनतर्फ पर्वत जिल्लाबाट छनौट भएर पुरस्कार तथा सम्मान प्राप्त गर्नुहुनुभएको हो । विगत १ दशकदेखि पर्वतमा रहेर सक्रिय पत्रकारिता गर्दै आउनुभएका नयन न्युज डटकमका सम्पादक विश्वकर्माले विशेष रुपमा कृषि, पर्यटन, उद्यम र समाजसेवाका क्षेत्रमा जोड दिएर कलम चलाउदै आइरहनुभएको छ ।
गण्डकी प्रदेश स्तरीय उक्त प्रतियोगितामा विश्वकर्मा सँगै प्रदेशका ११ जिल्लाका १३ जनालाई युवा प्रतिभा र ३ जनालाई युवा उद्यमी पुरस्कार प्रदान गरिएको छ । आइतबार सामाजिक विकास तथा स्वास्थ्य मन्त्रालयमा एक कार्यक्रमको आयोजना गरि युवा प्रतिभा तथा नवउद्यमीहरुलाई मन्त्रालयका सचिव प्रकाश पौडेलले पुरस्कार वितरण गर्नुभएको हो । कार्यक्रममा बोल्दै उहाँले प्रदेशभित्र विभिन्न क्षेत्रमा योगदान पुर्याएका युवाहरूलाई उनिहरुले गरेको योगदानका बारेमा विशेष रुपमा जाँचबुझ गरि प्रोत्साहन स्वरुप पुरस्कृत गरिएको बताउनुभयो । यस्तो पुरस्कारले युवाहरुमा आफ्नो कर्मप्रति थप लगनशीलता बढाउन प्रेरणा मिल्ने र विदेश पलायन रोक्न समेत मद्दत पुग्ने बताउनुभयो ।
युवा प्रतिभा पहिचान तथा सम्मान कार्यक्रम अन्तर्गत विभिन्न ९ वटा बिद्यामा पुरस्कार वितरण गरिएको मध्ये कृषि तथा लघु उद्यमतर्फ चामे-५, मनाङका सेराप विष्ट प्रथम पुरस्कार र काठेखोला-८, बाग्लुङका चानसिंह श्रीसले द्धितिय पुरस्कार प्राप्त गर्नुभएको छ । पर्यटन प्रर्वद्धन तर्फ पुतलीबजार नगरपालिकाका गोबिन्द मरासिनीले प्रथम र महाशिला गाउँपालिका-६, पर्वतका लक्ष्मण कुमार सुनारले (लक्ष्मण विश्वकर्मा) द्वितिय पुरस्कार प्राप्त गर्नुभयो । त्यस्तै
अध्ययन/अनुसन्धान/नविनता वा सिर्जनशिल कार्य तर्फ डा. म्याग्दे-२ तनहुँका नमिता पौडेल अधिकारीले प्रथम, कुश्मा-१०, पर्वतका पूर्ण प्रसाद अधिकारीले द्धितिय पुरस्कार र गोरखा नपा-९, गोरखा द ओसन क्लबका अध्यक्ष अमित खत्रीले तृतिय पुरस्कार प्राप्त गर्नुभएको छ । त्यस्तै युबा सशक्तिकरण तथा नेतृत्व विकासमा युवा सहभागिता तर्फ दोर्दी-९, लमजुङका आशिष तामाङ प्रथम पुरस्कार, समाजसेवा/स्वयंसेवा तर्फ अर्जुनचौपारी-४, स्याङ्जाका दिपक बिकले प्रथम र गल्कोट-१०, बाग्लुङका विष्णु काउचा घर्तिले दित्तिय पुरस्कार प्राप्त गर्नुभयो । रोजगारी, उद्यमशीता कला, संस्कृति, साहित्य सिर्जना तर्फ पोखरा महानगरपालिका-३, कास्कीका भुषण राज भण्डारी प्रथम पुरस्कार,विज्ञान तथा प्रविधि / संन्चार, सुचना प्रविधि तर्फ घरपझोङ-१. मुस्ताङका आदित्य रसाइली प्रथम पुरस्कार, स्वास्थ्य, सरसफाई तथा वातावरण संरक्षण र दिगो बिकास तर्फ गोरखा नगरपालिका ८, गोरखा डा. विशाल केसी प्रथम पुरस्कारबाट सम्मानित हुनुभयो । विभिन्न क्षेत्रमा प्रथम, द्वितिय र तृतीय हुनेले क्रमशः ५० हजार र २५/२५ हजार साथमा प्रमाणपत्र प्राप्त गरेका छन् ।
त्यस्तै नवउद्यमी युवा प्रतिभा पहिचान तथा प्रोत्साहन कार्यक्रममा रिजाल सेनेटरी प्याड उद्योग गैडाकोट-५. नवलपुरका बिरेन्द्र रिजाल प्रथम पुरस्कार ,शिवशक्ति एग्रो फर्म कावासोती ७, नवलपुरका सुदिप दुबाडी द्वित्तिय पुरस्कार र मग्याम कृषि तथा पशु फर्म प्रालि हरिनास-२, स्याङ्जाका आभास सिग्देलले तृतीय पुरस्कार प्राप्त गर्नुभएको छ । युवा उद्यमीले प्रथम, दित्तिय र तृतीय पुरस्कार क्रमशः नगद १ लाख, ५० हजार र २५ हजार साथमा प्रमाणपत्र प्राप्त गरेका छन् ।
