शिशिर,पोखरा । माध्यमिक शिक्षा परिक्षा दिएर बसेका विद्यार्थीलाई ब्युटी पार्लर तालिम दिइएको छ। बाटुलेचौरमा रहेको विन्ध्यवासिनी माध्यमिक विद्यालयले आफ्ना ३४ जना छात्रालाई तालिम दिएको हो ।७ दिनसम्म संचालन भएकाे तालिममा विद्यालयका अभिभावक समेत रहेका ब्युटीसियन श्रृष्टि पुन र विना थापाले अनुहारको हेरचाह तथा सौंन्दर्यकरणका विषयमा सहभागी विद्यार्थीलाई तालिम दिएका थिए। शिक्षक अभिभावक संघको नेतृत्व तथा विद्यालयको व्यवस्थापनमा संचालित तालिमको सोमबार एक कार्यक्रमका विच समापन गरिएको छ।
कार्यक्रममा तालिममा सहभागि विद्यार्थीलाई विद्यालयका प्रअ कृष्णप्रसाद आर्चाय, सहायक प्रधानाध्यापक रामबहादुर बानियाँ, विद्यालय व्यवस्थापन समितिका सदस्य ईन्दु भट्टराई अभिभावक द्वय मुना पौडेल ,अन्जना तिमिल्सिना लगायतकाले प्रमाण पत्र प्रदान गरे। कार्यक्रममा बोल्दै प्रधानाध्यापक कृष्णप्रसाद आर्चायले अभिभावकले सिकेको सीपलाई विद्यार्थीको माझ पुर्याएको वताए । उनले फुर्सदको समयमा सिप सिक्दा क्षमता वृद्धि हुनुका साथै जीवनोपयोगी हुने वताए । सो अवसरमा प्रशिक्षक पुन र थापालाई विद्यालयले सम्मान समेत गरेको छ।
विद्यालयले निकट भविष्यमा विद्यार्थी केन्द्रित अन्य सिप सिकाउने तयारी समेत गरेको बताएकाे छ।
