पर्वत। पर्वत जिल्ला अदालतले अदालतमा सेवा लिन आएका जेष्ठ नागरिकलाई अदालतको मुल प्रबेशद्वारमा नै स्वागत र सम्मान गर्न थालेको छ । अदालतको सेवालाई चुस्तदुरुस्त र छितोछरितो सँगै सम्मानजनक बनाउन पर्वत जिल्ला अदालतले यस्तो अभियान सञ्चालन गरेको हो ।

अदालतका प्रशासन प्रमुख एवं श्रेष्तेदार राजु ढुंगानाका अनुसार ६५ बर्ष उमेर पुगेका जेष्ठनागरिकलाई गेटमा पुगेर स्वागत गर्ने र सम्मानजनक रुपमा आइटी कक्षमा राखेर छिटो छरितो सेवा प्रदान गर्ने गरेको बताउनुभयो । उहाँले समग्र न्याय प्रणालीलाई सफल बनाउन सहयोग पुगोस् भन्ने हेतुले पर्वत अदालतले नयाँ नयाँ कार्यहरुको शुरुवात गरेको समेत जानकारी दिनुभयो ।

पर्वत जिल्ला अदालतले पछिल्लो समय सेवाग्राही मैत्री सेवा प्रदान सँगै कार्यालयको व्यवस्थापनमा समेत महत्वपूणर् कार्य गरिरहेको छ । जस अुनसार २०५० साल देखि ढड्डामा थन्किएका मिसिलहरुलाई कम्प्युटरमा अभिलेखिकरण गर्ने कार्य समेत भइरहेको ढुंगानाले बताउनुभयो । पछिल्लो समय न्यायिक सेवा झण्झटिलो बन्दै गएको गुनासो आइरहेका बेला पर्वत अदालतमा भने मुद्वा फैसला तथा फैसला कार्यान्वयनको अवस्था अन्य अदालतको तुलनामा तिब्र र छिटो छरितो भएको पाइएको छ । गत आर्थिक बर्ष ०७९।८० मा ८२ प्रतिशत प्रगति हासिल गरेर देशकै अग्रपंक्तिमा देखिएको पर्वत अदालत चालु आर्थिक बर्ष पनि करिव १० महिना अगावै लक्ष्य भन्दा बढी प्रगति हासिल गरिसकेको ढुंगानाले बताउनुभयो । पर्वत अदालतले १० महिनामा नै ७५ प्रतिशत प्रगति हासिल गरिसकेको र धेरै मुद्धाहरु अन्तिम चरणमा रहेको अदालतका कर्मचारी विनोद भूसालले जानकारी दिनुभयो ।

करिव दुई बर्ष यता देखि अदालतमा मुद्धा सुनुवाई प्रक्रिया छिटो छरितो भएको र सेवाग्राहीहरुको गुनासो समेत खासै सुन्नु नपरेको अदालतमा कार्यरत कर्मचारी रामचन्द्र रेग्मीले बताउनुभयो । कार्यालयमा श्रेष्तेदार ढुंगाना भित्रिएपछि कार्यालयको आन्तरिक काम मात्रै नभई सम्पूणर् व्यस्थापनमा फेरबदल आएको कर्मचारी ऋषिराम पौडेलले बताउनुभयो ।

लाेक कल्याणकारी