सर्वप्रथम प्यारी दिज्यु लाई मीठो सम्झना सहित दर्शन गर्न चाहे । पक्कै पनि दिज्यु अहिलेसम्म तपाईं र मेरो प्रत्यक्ष भेट भएको छैन र सामाजिक संजालमा जोडिएको पनि धेरै समय भएको छैन तर दिज्यु जब म हजुर संग सामाजिक संजालमा जोडिए मैले धेरै कुराहरु सिक्न पाए हजुरले गरेको कार्यहरु बाट किन कि दिदी म एउटा गरिब पनि सामाजिक अभियान्ता बन्ने उदेश्य लिएर अहोरात्र सेवामा खटिएको अबगत गराउन चाहन्छु ।
साच्चिकै दिदी जब तपाइबाट धेरै कुराहरु अप्रत्यक्ष रुपमा भएपनी सिक्ने अबशर पाए अनि मलाइ अझ थप जोश जागरुक भएर समाज परिबर्तनमा खटिन हौसला मिल्यो । दिदी आज म धेरै खुशी छु किन कि तपाईं हरेक नेपाली हरु को मन मस्तिष्कमा बस्न सफल हुनुभएको छ र दुखी पनि छु दिदी तपाइजस्तो सामाजिक उत्तरदायित्व बहन गर्न सक्ने महिला समाजका सकारात्मक गतिविधिमा अबल महिला संगै आफ्नै देशमा बसेर काम गर्न नपाउदा । म बुझुछु दिदी त्यो रहर नभएर बाध्यता होला धेरै नेपाली हरु बिदेश गएर बालबालिका पढाउने घरपरिवार हेर्ने जटिल समस्या बनेको छ नेपालमा ।
म चाहन्छु दिदी हजुर जस्तो महान ब्यक्तित्व हरु आज नेपाल मै भएको भए धेरै नेपालीहरु पीडित र चेलीबेटी हरु रुनु पर्दैनथ्यो होला किन कि दिज्यु हजुर हरेक चेलिबेटी को अभिभावक हो । जीवन जिउने सवैको आ आफ्नै तरिका हुन्छ, कतिपयले जिन्दगीलाई हर्ष उल्लासका साथ बिताइदिन्छ्न भने कोहि जिन्दगिभरी रोइरहन्छन । सबैको आफ्नो आफ्नो चाहाना हुन्छ, जीवन यस्तो होस भन्ने कामना हुन्छ, मान्छे आफ्नो जिन्दगीमा दु:खद समय कहिलेपनी नआओस भनेर कामना गरिरहन्छ, त्यसैको लागि कति मेहनत गर्छ, पैसा कमाँउछ । साथिभाई इस्टमित्र तथा अन्य असल मान्छेको संगत गर्छ । त्यतिले मात्र नपुगेर विभिन्न मठ मन्दिरमा धाउनुको साथै पुजा अर्चना,दान, भेटी, नैबेद, तथा विभिन्न पशुपन्क्षीको बलि चढाउने समेत गरिरहेको हुन्छ यो सबै आफ्नो सुखको लागि हो आत्म सन्तुष्टिको लागि हो । तर के मानिसले बास्तवमै यी माथी उल्लेखित कार्यहरु गरेर सुख प्राप्ति गरिरहेको छ त ? के दु:ख मेटिएको छ त ? के मन शान्ती भएको छ त ? अहँ पटक्कै छैन ।
जति गरेपनि मानिसले खुसी भेट्नै सकेको छैन तर दिज्यु हजुर अहिले जुन कार्यहरू गर्नुभएको छ मेरो नजरमा खुशी त्यही हो दिज्यु तपाईं हरेक नेपालिहरु को दुख मा सहयोग साथ दिनुभएको छ् त्यसैले खुशी त्यही हो । नेपाल का हरेक जिल्लामा जहाँ दुख पर्छ जहाँ अस्पताल को अभाव छ त्यहा तपाईंले सजिलै संग सहयोग गरेको देख्दा मेरो मात्रै हैन सबै नेपाली हरुको मन आनन्दीत र खुशी को आशु झर्छ। । हामी भाग्यमानी हौ दिज्यु तपाइँहरुले गरेको काम योगदान देखेर आज हामिलाई समाज परिबर्तन को यात्रामा हौसला मिलेको छ । समय र परिस्थितिले नेपाल भन्दा बाहिर रहेता पनि सधैं हजुरको मन नेपाल का दिन दुखी र प्राकृति प्रकोप ले ठगिएका दाजुभाइ दिदिबहिनी बुबा आमा हरु प्रती सधै समपिर्त रहोस् ।
दिज्यु महान हुनुहुन्छ मेरो हेराइमा सबैलाई सम्मानले हेर्नु भएको छ । न कशैको रिस नकशैको डाहा । अरुको प्रगतिमा रमाउनु हुन्छ सलुट छ दिज्यु हजुरलाई सधैब भगवानले रक्षा गरुन दिज्युले आटेको कामहरु सबै पुरा हुन सधै अटल र अबल भएर अगाडी बढनु हाेस हजुरको साथमा हामी छौ ।
भरत के शि
मेडिकल ल्याब विद्यार्थी
बुटवल रुपन्देही
