क. प्रचण्डले सधै भन्दै आएको कुरा अहिले पुष्टि हुदैछ । सतर्क रहौ, क्रान्ति पछि पक्कै पनि प्रतिक्रान्ति निश्चित नै हुनेछ ।

त्यहि प्रतिक्रान्ति स्वरुप ज्ञानेन्द्र शाही लगायतका टट्टुहरुले जनतामा निराशा छरेर ,राजनैतिक दल र नेताहरुप्रतीको भरोसा खुइल्याएर राजनैतिक संरचना फेरि मण्डले ज्ञानेन्द्र शाहलाई कार्यकारी बनाइ राजतन्तत्रिय शाशन फर्काउने दिवा दाउ खेलिरहेका अहिले छरपस्ट देखिन्छ । त्यसको अर्को एक उदाहरण हो शिव सेना नेपालले ज्ञानेन्द्र शाहिको कुम थमाइ बामे सराएको ।

तर होशियार गणतन्त्र एत्तिकै स्थापना भएको होइन ,हजारौंको बलिदानी र लाखौको योगदानबाट निर्मित जनताको ब्यवस्थामा कोहि तानाशाहहरुले भत्क्याउछौ भन्ने दिवा सपना देख्छ भने त्यसको मुल्य गम्भीर हुनेछ ।

अहिले गणतन्त्रको रक्षाको बेला आएको छ । प्रतिक्रियावादी शक्तिहरु विभिन्न माध्यमबाट सलबलाउन थालिसकेका छन । हाम्रो एक पुस्ताले जनयुद्ध लगाएतका आन्दोलन लडे ,गणतन्त्र ,धर्म निरपेक्षता ,संघीयता,समावेशी तथा समानुपातिक ब्यवस्था स्थापना गरे र अब हाम्रो पुस्तामा यी लगायतका उपलब्धिहरुको रक्षाको जिम्मेवारी आएको छ । अबको आन्दोलन उपलब्धिहरुको रक्षाको आन्दोलन हुनेछ । प्रतिक्रियावादिहरु विरुद्धको आन्दोलन हुनेछ ।

र मेरो आग्रह हाम्रो अथक रक्षाका प्रयासहरु तबमात्र सम्भव हुनेछन जब हाम्रो अहिलेको विभिन्न तहका नेतृत्व र कार्यकर्ताहरुले जनतामा निराशा उत्पन्न हुने क्रियाकलाप जस्तै भ्रष्टाचार ,बेथिती लगायतका प्रसङ्गहरुमा सुन्यसहनशिलता अपनाइ आम गाउँ देखि सहरका जनताको मनमनमा बस्न बस्न सक्नु । र सरकारका हरेक क्रियाकलापहरुलाइ गाउँगाउँमा बिना बिचौलिया जनताकामाझ सकुशल पुर्याउनु र कहिकतै हाम्रै नेतृत्वमा भ्रस्टाचार,बेथिति छ भने त्यसको कानुनी उपचार खोजि सुशासन कायम राखे मात्र हाम्रो क्रान्ति अघि बढ्ने छ होइन भने प्रतिक्रियावादी शक्तिहरु हावी भै हामीलाई नै निस्तेज पार्ने छ्न ।

जनताले परिवर्तन खोज्छन ,जनताकै बलिदानिले अहिलेसम्मका राजनैतिक परिवर्तनहरु सफल भए , अब जनताले आफ्नो जीवन स्तरमा परिवर्तन खोजिरहेका छन ,नेकपा सरकारले जनताको जिवनस्तरमा परिवर्तन ल्याउन सक्नु पर्छ,त्यसका आधारहरू निमार्ण गर्नुपर्छ र बिना आधारका प्रशङ्गहरुले जनतामा निराशा मात्र छर्ने,अपुस्ट खबरले जनता भड्काउनेहरु सङ्गै अभियानको नाममा मण्डलेहरु भित्राउने खेलहरुलाई निस्तेज पार्न कदम पनि चाल्नु पर्दछ ।

भण्डारी अनेरास्ववियू त्रिचन्द्र क्याम्पसका विद्यार्थी नेता हुन ।

लाेक कल्याणकारी