सुचनाकेन्द्र संवाददाता प्रकाशित : २०८२/६/९ गते
पोखरा । पोखरामा आज विहीबार दिउँसो भ्यानले स्कूटरलाई ठक्कर दिँदा एक वृद्धाको निधन भएको छ । एक उनकी बुहारी घाइते भएकी छन् ।
पोखरा बिन्ध्यवासिनी मन्दिर चोकमा ग१६प २६३ नम्बरको स्कुटरलाई ग२च ३३२३ नम्बरको भ्यानले ठक्कर दिंदा स्कूटरमा सवार पोखरा १५ नयाँगाउँ निवासी ६३ वर्षीया दुर्गादेवी बास्तोलाको घटनास्थलमै निधन भएको कास्की प्रहरीले जानकारी दिएको छ ।
स्कूटर चालक ४३ वर्षीया गोमादेबी बास्तोला घाइते भएकी छन् । उनको पश्चिमाञ्चल क्षेत्रिय अस्पतालमा उपचार भैरहेको प्रहरीले जनाएको छ।
दुर्घटनामा संलग्न भ्यानका चालकलाई भ्या समेत नियन्त्रणमा लिएर आवश्यक अनुसन्धान शुरु गरिएको जिल्ला प्रहरी कार्यालय कास्कीले जनाएको छ।
