पर्वत, कुश्मा ।पर्वतको कुश्मामा रहेको शिवालय युवा विकास मञ्चले बृहद कन्सर्ट आयोजना गर्ने भएको छ। मञ्चले पत्रकार सम्मेलनमार्फत कन्सर्ट यहि असाेज ११ गते वान्द्रेबिणी चाैरमा हुने जानकारी दिएको छ ।
कार्यक्रमको आयोजना शिवालय युवा बिकास मञ्च ले गरेको हो। यस मञ्चमा कोही विदेशबाट फर्किएका र कोही नेपालमै भविष्य खोज्दै आएका युवाहरु आवद्ध छन्। पछिल्लो समय यो समूह कुश्माको सामाजिक, धार्मिक र सांस्कृतिक गतिविधिमा सक्रिय देखिएको छ।
शिवालय युवा बिकास मञ्चका अध्यक्ष संविधान गिरीको अध्यक्षतामा सम्पन्न कार्यक्रमकाे सञ्चालन सचिव अभिलाष गिरीले गरेका थिए भने कार्यक्रमका बारेमा संयोजक सन्दिप बस्यालले जानकारी दिएका थिए। प्रमुख अतिथि, पत्रकार महासंघका अध्यक्ष लक्ष्मण सापकोटाले कार्यक्रम सफलताको शुभकामना व्यक्त गरेका थिए ।
शिवालय युवा विकास मञ्चको यो प्रयासले कुश्मामा युवाहरुको *सृजनशीलता र सामाजिक सहभागितालाई प्रवद्र्धन गर्ने विश्वास व्यक्त गरिएको छ।
