पर्वत । पर्वतको विहादी गाउँपालिकामा लोपोन्मुख स्थानीय जातका गाई र हलगोरु पाल्ने कृषकलाई प्रोत्साहनका लागि अनुदान वितरण गरिने भएको छ ।

गाउँपालिकाले व्यावसायिक रुपमा दुध उत्पादन गर्नका लागि उन्नत जातका गाई पालन गर्ने कृषकलाई प्रति गाई रु। २० हजार रुपैया उपलव्ध गराउने भएको छ । यसैगरी स्थानीय गाई संरक्षण अभियान अन्तर्गत प्रति सुत्केरी गाई रु। दुई हजार पाँच सय रुपैया कृषकलाई वितरण गरिने भएको प्रमुख प्रशासकिय अधिकृत थमन बहादुर रेश्मीले जानकारी दिनुभयो ।

यसैगरी प्रति हलगोरु प्रोत्साहन अनुदानको रुपमा रु। १० हजार रुपैया प्रदान गरिने रेश्मील्े जानकारी दिनुभयो । वैदिक परम्परा अनुसार पुजा गरिने स्थानीय जातका गाई पछिल्लो समय लोप हुँदै गएपछि गाउँपलिकाले संरक्षण अभियान थालेको हो । विहादी गाउँपालिकाले पालिका भित्रका छ वटै वडामा व्यवासायिक वा निर्वाहमुखि रुपमा स्थानीय जातका गाई पालन गरेका कृषकलाई विगत तीन वर्षदेखि प्रोत्साहन समेत गर्दै आएको छ । यो खबर बुधबारको धौलागिरि सञ्चार साप्ताहिकमा प्रकाशित छ ।

पालिकाले सुचना जारी गर्दै स्थानीय जातका गाई पालक कृषकलाई गाईको सुत्केरी भत्ताका लागि आवेदन माग गरेको छ । स्थानीय गाई पालन गरेका कृषकहरुलाई प्रोत्साहन गर्नका लागि र गाईपालन तर्फ आकर्षण बढाउनका लागि यस्तो अभियान थालिएको विहादी गाउँपालिकाका अध्यक्ष परवीन गुरुङले जानकारी दिनुभयो ।

गाई अभावमा विभिन्न पुजा पाठमा समेत गाईको दस्तुर भन्दै दक्षिणा राखेर उम्काउने गरिएको छ । यस्तो अवस्था मा हिन्दु धर्मनै संकटनमा पर्ने र हिन्दु धर्मालम्वि नयाँ पुस्ताले स्थानीय जातको गाईको पहिचाननै नपाउने भएकाले संरक्षण गर्न थालिएको अध्यक्ष गुरुङको भनाई छ ।

उक्त कार्यक्रममा समावेश हुनका लागि गाई र गर्भाधारण गराईएको बहर स्थानीय नै हुनुपर्ने गाउँपालिकाका प्रमुख प्रशासकिय अधिकृत हरिप्रसाद भुसालले जानकारी दिनुभयो । गाई र गर्भाधारण गराईएको बहर स्थानीय नै हुनुपर्ने भुसालको भनाई छ । अनुदान लिनका लागि निवेदन, सम्वन्धित वडा कार्यालयको सिफारीस, नागरिकताको प्रमाणपत्रको प्रतिलिपि र गाई बाच्छिको तस्विर समेत संलग्न गर्नु पर्नेछ । यो खबर बुधबारको धौलागिरि सञ्चार साप्ताहिकमा प्रकाशित छ ।

पर्वतमा पछिल्लो समय उन्नत जातका गाईपालन तर्फ आकर्षण बढ्दै गएको छ । थोरै दुधदिने र गाईपालनको खर्च समेत नउठ्ने भन्दै कृषकहरु स्थानीय काठे गाईपालन गर्न छाडेका हुन् ।

पालिकाले चालु आर्थिक वर्षको साउनदेखि यता सुत्केरी भएका स्थानीय गाईलाई रु दुई हजार पाँच सय रुपैयाका दरले अनुदान दिने तयारी गरेको छ । जिल्लाका ७ स्थानीय तह मध्ये विहादीले पहिलो पटक स्थानीय गाईलाई संरक्षणका लागि अभियान थालेको हो । यस अघि उक्त पालिकाले स्थानीय जातका गाई पाल्ने कृषकलाई प्रोत्साहन स्वरुप रु। पाँचरपाँच हजार रुपैया उपलव्ध गराएको थियो ।

यस अघि जिल्लाको जलजला गाउँपालिकाले हलगोरु पाल्ने कृषकलाई रु। १५ हजार रुपैयाका दरले उपलव्ध गराउँदै आएको थियो । भने स्थानीय जातका गाईको मुत्र र गोबर प्रशोधन समेत गर्न थालेको छ । पैंयुँगाउँपालिकाले राँगो पाल्ने कृषकलाई रु। २० हजार बार्षिक अनुदान वितरण गर्दै आएको छ । कृषकहरुलाई व्यावसायिक कृषि पेशातर्फ आकर्षित गर्ने उद्धेश्यले पालिकाहरुले पशुपालन र कृषिको क्षेत्रमा लगानी समेत बढाउँदै लगेका छन् ।

यस्तै भेटेरीनरी अस्पताल तथा पशु सेवा विज्ञ केन्द्र पर्वतले पनि यस वर्ष गाईभैसीको सुत्केरी खर्च का लागि रु।१० लाख रुपैया बिनीयोजन गरेको छ ।

लाेक कल्याणकारी