पर्वत । पर्वतको धार्मिक तथा ऐतिहासिक क्षेत्र बाटुलेचौर कालीका भगवती मन्दिरमा आयोजित तेस्रो तीज मेला भब्य रुपमा सम्पन्न भएको छ ।महिलाहरुको महान पर्व हरितालिका तीजको अवसरमा आयोजित मेलामा खुल्ला तीज गित, विद्यालय स्तरीय नृत्य प्रतियोगिता र छेलो फाल्ने प्रतियोगिता राखिएको थियो ।

खुल्ला तीज गीत प्रीतयोगितामा कुश्माको ग्रामीण आमा समुहले प्रथम स्थान हात पारेका छ भने द्धितिय जनक मावि पिपलटारी, तृतिय जनता शुदर्शन मावि र सान्त्वना नारायण मावि कुश्मा बनेको छ ।

यसैगरी बिद्यालय स्तरीय नृत्य प्रतियोगिता तर्फ राम मावि फलेवास प्रथम, नमुना आवासीय मावि कुश्मा द्धितिय, पुर्णेश्वर मावि पिपलटारी तृतिय र नारायण मावि कुश्मा सान्त्वना स्थान प्राप्त गर्न सफल भएका छन् । तीज गित प्रीतयोगितामा सात र नृत्यमा नौ समुहको सहभागिता थियो ।

बिजेताहरुलाई तीज गिततर्फ प्रथम, द्धितिय, तृतिय र सान्वना पुरस्कारस्वरुप १५, १०, पाँच र तीन हजार नगद र प्रमाणपत्र प्रदान गरिएको छ भने नृत्यतर्फ १२, आठ, पाँच र दुई हजार पुरस्कार र प्रमाणपत्र प्रदान गरिएको छ ।कार्यक्रमको उद्घाटन गर्दै संविधानसभा सदस्य तथा नेपाली काँग्रेसका केन्द्रीय सदस्य अर्जुनप्रसाद जोशीले धर्म, संस्कृति, रितिरिवाज र चाडवाड नेपालीहरुका अमुल्य गहना भएको बताउनुभयो । उहाँले हामीलेनै हाम्रो धर्म संस्कृतिको संरक्षणमा जोड दिनुपर्ने बताउनुभयो ।

बाटुलेचौर जस्तो ऐतिहासिक तथा धार्मिक क्षेत्रमा भव्य कार्यक्रम राखेर महिलाहरुको प्रतिभा प्रस्फुटन गर्ने वातावरण सृजना गरेकोमा आयोजकलाई धन्यवाद समेत व्यक्त गर्नुभयो ।जोशीले पर्वत जिल्लाको विकास र परिवर्तनका लागि आफु पदमा रहँदा वा नरहँदा पनि निरन्तर सक्रिय रहँदै आएको बताउँदै जिल्लाको समृद्धिका लागि आफु अहोरात्र खटिने प्रतिवद्धता ब्यक्त गर्नुभयो । जिल्लाको भविष्य निर्माणका लागि आफुलेनै खाका तयार पारेको बताउँदै अझै धेरै कामहरु गर्न बाँकी रहेको बताउनुभयो ।

कार्यक्रममा कार्यक्रममा गण्डकी प्रदेश सभा सदस्य भक्त कुँवर, फलेवास नगरपालिकाका नगरप्रमुख गंगाधर तिवारी, एमाले जिल्ला अध्यक्ष गोविन्द पहाडी लगायतले बोल्नुभएको थियो । सो अवसरमा नेपाली काँग्रेस, नेकपा एमाले, माओवादी केन्द्र लगायत विभिन्न राजनीतिक दलका जिल्ला पालिका स्तरीय नेताहरुको पनि सहभागिता रहेको थियो । कार्यक्रममा समापन मन्तव्य वडा अध्यक्ष झलक रिमालले राख्नुभएको थियो ।

कार्यक्रममा कलाकारहरु कृष्ण अखेली, ममता तामाङ, शिव पौडेल लगायतको बेजोड प्रस्तुती पनि रहेको थियो । कालीका मन्दिर क्षेत्र विकास संस्थाका अध्यक्ष गणेश पौडेलको अध्यक्षतामा सम्पन्न कार्यक्रमको स्वागत उपाध्यक्ष युवनाथ पौडेल र संचालन कलाकार कृष्ण अखेलीले गर्नुभएको थियो ।

लाेक कल्याणकारी