मेलामा कलाकारहरुको समेत विशेष प्रस्तुती रहने आयोजकले जनाएको छ । बाटुलेचौरमा तेस्रो संस्करणको तीज मेला हुने कुश्मा ९पर्वत०, कुश्मा नगरपालिका–१२ बाटुलेचौरमा तेस्रो संस्करणको तीज मेला हुने भएको छ। ऐतिहासिक र सांस्कृतिक महत्व बोकेको यस क्षेत्रको परम्परा जोगाउन मेलाको आयोजना गरिएको आयोजक समितिका अध्यक्ष गणेश पौडेलले जानकारी दिनुभयो। मेलामा खुला महिला तीज गीत प्रतियोगिता, विद्यालयस्तरीय नृत्य प्रतियोगिता र वडा स्तरीय परम्परागत छेलो हान्ने प्रतियोगिता सञ्चालन गरिनेछ।

विद्यालयस्तरीय नृत्य प्रतियोगितामा प्रथम हुने टोलीलाई नगद रु। १२,०००, दोस्रोलाई रु। ८,०००, तेस्रोलाई रु। ५,००० र सान्त्वना पुरस्कारअन्तर्गत रु। २,००० सहित प्रमाणपत्र प्रदान गरिनेछ। त्यस्तै खुला महिला तीज गीत प्रतियोगितामा विजेताले रु। १५,०००, दोस्रोले रु। १०,०००, तेस्रोले रु। ५,००० तथा सान्त्वना विजेताले रु। ३,००० र प्रमाणपत्र प्राप्त गर्नेछन्। वडा स्तरीय परम्परागत छेलो हान्ने प्रतियोगितामा सहभागीलाई आकर्षक पुरस्कार, मेडल र प्रमाणपत्र प्रदान गरिनेछ।