शिशिर,पोखरा । पोखरा २५ हेम्जा निवासी मृगौला पीडित २७ वर्षिया ओसना विकलाई नेकपा माओवादी केन्द्रले आर्थिक सहयोग गरेको छ।म्याग्दीको धवलागिरी गाउँ पालिका २ लुलाङ स्थायी घर भई हाल हेम्जामा भाडाको घरमा बस्दै आएकी विकलाई माओवादीको पोखरा महानगर कमिटी र वडा कमिटीबाट संकलित रकम हस्तान्तरण गरिएको वडा कमिटीका अध्यक्ष महादेव अधिकारीले जानकारी दिए।
धौलागिरी कास्की दलित सम्पर्क समाजले गरेको वार्षिक साधारण सभाका अवसरमा सविधान सभा सदस्य दुर्गा कुमारी विकको उपस्थितीमा वडा कमिटीका अध्यक्ष महादेव अधिकारीले नगद ६ हजार रुपैयाँ पिडित ओसना विकलाई हस्तान्तरण गरे । विगत २ महिना देखि दुवै मृगौलामा समस्या देखिए पछि विकले सहयोगको याचना गरेकी छिन्।
अहिलेसम्म आफु र इष्टमित्रको सहयोगले उपचार गरेपनि थप उपचारका लागि ठुलो रकम लाग्ने भएपछि विकको परिवार चिन्तित बनेका छन्। दैनिक मजदुरी गरेर जीविकोपार्जन गर्दै आएका उनको परिवार थप उपचार गर्न सक्ने अवस्थामा नभएकोले सहयोगका लागि सम्पर्क समाजले आग्रह गरेको छ। पोखराको मणिपाल र काठमाडौंको नेशनल किड्नी अस्पतालमा उपचार गराउँदा चल अचल सम्पत्ति सकिएको र थप उपचारका लागि रकम अभावले रोगले पीडित परिवार थप पिडित बनेको आफन्त डिलसरा नेपालीले बताईन्। पिडितलाई आर्थिक सहयोगको गरी जीवन बचाईदिन गाउँ पालिकाले समेत आग्रह गरेको छ।सहयोगको अपेक्षा सहित पिडितका नाममा प्रभु बैंकमा ०१३०२३३३७२६०००१७ नम्वरको खाता संचालन समेत रहेकाे छ।
