शिशिर,पोखरा ।पोखराको बाटुलेचौरमा हुने २६ औं संस्करणको राष्ट्रिय कृष्ण भजन प्रतियोगितालाई विभिन्न सरकारी तथा निजी क्षेत्रले साथ दिएका छन्।श्री कृष्ण जन्माष्टमीको पावन अवसरमा यही साउन ३१ गते शुक्ला साहित्य प्रतिष्ठानले आयोजना गर्ने प्रतियोगिता यस क्षेत्रकै गौरव र सांस्कृतिक संरक्षण लागि उल्लेखनीय रहेको भन्दै विभिन्न सरकारी, सामाजिक तथा निजी संस्थाले आर्थिक सहयोग गरेको प्रचार प्रसार उपसमितिका संयोजक संजय थापाले जानकारी दिए।

कार्यक्रम सफलताको कामना गर्दै हिम श्री फुड्स पोखरा, पृथ्वी राजमार्ग बस सञ्चालक कम्पनी प्रा लि, यु आर एल पोखरा, गण्डकी प्रदेश सामाजिक विकास युवा तथा खेलकुद मन्त्रालय, मादी गाउँ पालिका, पोखरा महानगरपालिका वडा नं १६ र १९, गण्डकी प्रज्ञा प्रतिष्ठान, पोखरा प्रज्ञा प्रतिष्ठान लगायतका संघ संस्थाले आर्थिक सहयोग गरेको अर्थ उपसमितिका संयोजक सुमनराज पौडेलले बताए। विभिन्न सरकारी, निजी संघसंस्था तथा व्यक्तिको सहयोगबाट नै कार्यक्रम सफल हुने उनको भनाई छ।

शनिबार ऐतिहासिक मैदानमा हुने प्रतियोगिताको सम्पुर्ण तयारी पुरा भएको र महेश्वर खनाल भजन समुह तनहुँ, भद्रकाली खैंजडी भजन समुह धादिङ, हरिहर भजन कीर्तन समुह स्याङ्जा, सहित कास्कीका विभिन्न भजन टोली र विद्यालयका स साना विद्यार्थी सहभागी १६ वटा भजन टोलीले प्रतियोगितामा सहभागीता जनाउने बताईएको छ। कार्यक्रममा यस क्षेत्रका आमा समुह, टोल विकास संस्था र विभिन्न जातिय तथा धार्मिक संस्था आ- आफ्नो पहिचान झल्कने पोसाकमा सहभागी हुने प्रतिष्ठानले जनाएको छ।

प्रतियोगितामा प्रथम हुनेले नगद १ लाख र प्रमाणपत्र, दोस्रो हुनेले नगद ७५ हजार र प्रमाणपत्र, तेस्रो हुनेले नगद ५० हजार र प्रमाणपत्र तथा सान्त्वना हुनेले नगद २५ हजार र प्रमाणपत्र तथा सहभागी टिमलाई प्रोत्साहन स्वरुप जनही ५ हजार प्रदान गरिने प्रतिष्ठानका अध्यक्ष दुर्गादेवी बस्नेत गौतमले बताईन्। कार्यक्रम सम्पन्न गर्न करिब १६ लाख खर्च लाग्ने बताइएको छ।

लाेक कल्याणकारी