पर्वत। पर्वतजिल्लाको बिहादी गाउँपालिकाले गाउँभित्रका १८ देखि ४० वर्ष उमेर समूहका नागरिकलाई निःशुल्क आयोगका कक्षा अध्ययनका लागि आवेदन दिन आग्रह गरेको छ ।
गाउँपालिकाले आर्थिक रूपमा कमजोर र सरकारी सेवा क्षेत्रमा प्रवेश गर्न इच्छुक व्यक्तिहरूलाई लक्षित गरी अनलाइन तथा कार्यालयमार्फत आवेदन दिने व्यवस्था मिलाएको हो । गाउँपालिकाको सूचनाअनुसार इच्छुकहरूले सूचना प्रकाशित भएको मितिबाट १५ दिनभित्र आवेदन दिन सक्नेछन् । यस कार्यक्रममार्फत आयोगको परीक्षा तयारीमा सहयोग पु¥याउने उद्देश्य रहेको छ । गाउँपालिका भित्रका इच्छुक उम्मेदवारले आफ्नो शैक्षिक स्तर वृद्धि गर्दै सरकारी सेवामा प्रवेश पाउने अवसरका रूपमा यसलाई उपयोग गर्न सक्नेछन् ।
आवेदनका लागि फाराम, नेपाली नागरिकताको प्रमाणपत्रको प्रतिलिपि, पासपोर्ट साइजको फोटो, शैक्षिक प्रमाणपत्रको प्रतिलिपि, परीक्षा विरत हुने सम्बन्धी स्वघोषणा तथा अग्राधिकार पाउने नागरिकताको प्रमाणपत्रका प्रतिलिपि आवश्यक पर्नेछ । गाउँपालिकाले अनलाइन आवेदनको सुविधा पनि उपलब्ध गराएको छ जसको लागि लिंक र क्यूआर कोड सूचना पत्रमै प्रकाशित गरिएको छ ।
गाउँपालिकाका प्रमुख प्रशासनिक अधिकृत थमन बहादुर रेग्मीले यस अवसरलाई परीक्षामा सफल हुन चाहने युवाका लागि ठूलो फाइदा हुने बताउँदै सबैलाई समयमा आवेदन दिन आग्रह गरेका छन्
