शिशिर उजाड,पोखरा।एक्सपर्ट एजुकेसन एण्ड भिसा सर्भिसेस पोखराले गरेको रक्तदान कार्यक्रममा ४५ युनिट रगत संकलन भएको छ ।एक्सपर्ट एजुकेसन एण्डे भिसा सर्भिसेसको २२ औं वार्षिकोत्सवको अवसरमा शुक्रबार आयोजित रक्तदान कार्यक्रममा २९ जना पुरुष र १६ जना महिलासहित ४५ जनाले रक्तदान गरेको बिजनेस डेभलपमेन्ट प्रमुख विष्णु प्रसाद गौतमले जानकारी दिए।
यसअघि गण्डकी प्रदेश सभा सदस्य गणेशमान गुरुङले पहिलो रक्तदाता मानव बुढा क्षेत्रीलाई व्लड व्याग हस्तान्तरण गरी कार्यक्रमको उद्घाटन गरेका थिए । कार्यक्रममा बोल्दै सांसद गुरुङले रक्तदान जस्तो पवित्र कार्यले अरूको जीवनलाई समेत बचाउँन सहयोग पुर्याउने बताए । एक्सपर्ट एजुकेसन एण्ड भिसा सर्भिसेसका सली देवानको अध्यक्षतामा भएको कार्यक्रममा पोखरा-९ का वडाध्यक्ष दीपेन्द्र मर्सानी, पोखरा ट्रेड मलका अध्यक्ष मिनराज काफ्लेले पवित्र काम गरेर संस्थाले उदाहरणीय काम गरेको बताए।
कार्यक्रमको सञ्चालन एक्सपर्ट एजुकेसन एण्ड भिसा सर्भिसेसका बिजनेस डेभलपमेन्ट हेड विष्णु गौतमले गरेका थिए ।
