गुल्मी । कालीगण्डकी करिडोरअन्तर्गत कालीगण्डकी गाउँपालिका वडानम्बर–१ स्थितमा गरगरेमा पहिरो खस्दा सडक अवरुद्ध भएको छ।आइतबार दिउँसो करिब १ः३५ बजेदेखि पहिरोका कारण सवारी आवागमन पूर्ण रूपमा ठप्प भएको जिल्ला प्रहरी कार्यालय गुल्मीका प्रहरी नायव उपरीक्षक (डिएसपी) गंगाबहादुर सारुले बताए ।

सडक अवरुद्ध हुँदा रिडी पुर्तिघाट सम्पर्क टुटेको छ । करिडोरका विभिन्न ठाउँमा पटकपटक सडक अवरुद्ध हुँदै आएको छ । जसले सवारीसाधन र यात्रुले जोखिम यात्रा गर्नुपर्ने अवस्था रहेको छ ।

त्यसैगरी, सत्यवती गाउँपालिका वडानम्बर–६ स्थित डहरे खोलामा पानीको बहाव एक्कासी बढेपछि रिडी-वामी सडक खण्डसमेत अवरुद्ध भएको छ। खोलामा आएको बाढीको सतह बढेपछि यातायात अवरुद्ध भएको हो । यस ठाउँमा पक्की पुल निर्माणकार्य भइरहेको छ । तर सञ्चालनमा नआउँदा समस्या हुँदै आएको छ ।

लाेक कल्याणकारी