शिशिर उजाड,पोखरा । स्याङ्गजाको आँधिखोला- ६ फापरथुमस्थित आनन्द आश्रम ज्ञान केन्द्रले साहित्यिक तथा वैचारिक गोष्ठी सम्पन्न गरेको छ।गोष्ठीको उद्घाटन गर्दै फेदीखोला साहित्य प्रतिष्ठानका अध्यक्ष हिमाल जंग बानियाँले साहित्य लेखन र कलाले मानव जीवनलाई सुसंस्कृत र सभ्य बनाउने बताउनुभयो। उहाँले आनन्द आश्रमले थालेको साहित्यिक अभियानले ग्रामीण समाजलाई समेत सभ्य र उन्नत बनाएको बताउनुभयो। साहित्यकार दिवाकर सुवेदीले नियमित रूपमा हुने यस्ता कार्यक्रमले साहित्यिक ज्ञानलाई थप विशाल बनाएको अनुभव सुनाउनुभयो।

आनन्द आश्रम ज्ञान केन्द्रका वरिष्ठ सल्लाहकार टिकाराम ढकालको अध्यक्षतामा भएको कार्यक्रममा संस्थापक संरक्षक त्रिलोचन ढकाल, डा. ऋषिराम ढकाल, टिकाराम ढकाल ‘वनपाले’,सविन जिटी, रिदम ढकाल, सुर्य जिटी, विनिता जिटी, प्रद्युम्न पनेरु माविका छात्रा शिखा सुनार लगायतकाले रचना वाचन सहित आनन्द आश्रमले संचालन गर्ने गतिविधि र भावी योजनाका बारेमा जानकारी गराएका थिए।सो अवसरमा पण्डित आनन्द मणिले त्यस क्षेत्रकाे शैक्षिक विकासमा पुर्याउनु भएको योगदानको चर्चा गरिएको थियो।

संस्थाका सदस्य सह प्राध्यापक शारदा शर्माले स्वागत सहित कार्यक्रम संचालन गर्नुभएको थियो।

लाेक कल्याणकारी