चितवन  ।बर्ड एजुकेशन सोसाइटी नेपालद्वारा आयोजित चरा अवलोकन कार्यक्रम चितवन राष्ट्रिय निकुञ्ज अन्तरगतकाे कुमरोज सामुदायिक वनमा आज (शनिबार) सफलतापूर्वक सम्पन्न भएको छ।

कार्यक्रममा १७जनाको सक्रिय सहभागिता थियो। सहभागीहरूले बिहान ३ घण्टासम्म घाँसेमैदान, वन क्षेत्र र सिमसार क्षेत्रमा जीपमार्फत चरा अवलोकन गरे।

यस क्रममा ८६ प्रजातिका चराहरू अभिलेख गरिएको छ। तीमध्ये विशेषरूपमा ब्ल्याक बिट्रन, ट्राई कर्लड मुनिया, ग्रे हेडेड फिस ईगल लगायतका दुर्लभ र आकर्षक चरा प्रजातिहरूको अवलोकन गरिएको थियो।

कार्यक्रममा बर्ड एजुकेशन सोसाइटीका अध्यक्ष  विजय गिरीले “कुमरोज वन जैविक विविधता र चराप्रेमीहरूका लागि एक अत्यन्तै महत्त्वपूर्ण स्थल रहेकाे बताउदै,यसले चरा संरक्षणका लागि समुदाय र वैज्ञानिकबीच सहकार्यको उत्कृष्ट उदाहरण प्रस्तुत गरेको छ।”

उहाँले आगामी साता अर्को नयाँ स्थानमा चरा अवलोकन कार्यक्रम आयोजना गर्ने योजना रहेको जानकारी दिनुभयो।

कार्यक्रम सफल बनाउन महत्वपूर्ण सहयोग गर्नुहुने यसै सस्थांका सदस्य श्रीलाल परियारलाई विशेष धन्यवाद व्यक्त गरिएको छ। उहाँले आफ्नो होटल (Hotel Parkside) बाट जीपको निःशुल्क व्यवस्था गर्नुभयो, साथै आगामी दिनहरूमा पनि यस्ता कार्यक्रमका लागि सधैं सहयोग गर्ने प्रतिबद्धता व्यक्त गर्नुभयो।

बर्ड एजुकेशन सोसाइटीका कोषाध्यक्ष चन्द्रमणी गौलीले कार्यक्रमको व्यवस्थापनमा उल्लेखनीय भूमिका खेल्नुभएको थियो।

नेपालका वरिष्ठ पंक्षी विज्ञ तथा सोसाइटीका पूर्व अध्यक्ष बासु बिडारी,पुर्व अध्यक्ष टेक बहादुर गुरुङ, निवर्तमान अध्यक्ष टिकाराम गिरीले चरा पहिचानमा विशेष भुमिका निभाउनुभएकाे थियाे ।

कुमरोज वन क्षेत्र, विशेषगरी लोपोन्मुख र दुर्लभ चरा प्रजातिहरूको लागि सुरक्षित बासस्थानको रूपमा चिनिन्छ। यस्तो किसिमका अवलोकन कार्यक्रमहरूले जैविक विविधताको संरक्षणमा जनचेतना अभिवृद्धि गर्नुका साथै अनुसन्धान र वातावरणीय शिक्षाको प्रवर्द्धनमा समेत सघाउ पुर्‍याउँछन्।

बर्ड एजुकेशन सोसाइटी नेपाल, विगतदेखि नै चरा संरक्षण, वातावरणीय शिक्षा, तालिम र जनचेतनामूलक कार्यक्रमहरू सञ्चालन गर्दै आइरहेको एक अग्रणी संस्था हो।

सोसाइटीले आगामी दिनहरूमा पनि नेपालका विभिन्न स्थानहरूमा यस्ता कार्यक्रमहरूलाई निरन्तरता दिने योजना अघि सारेको
बर्ड एजुकेशन सोसाइटीका सचिव प्रकाश चापागाईंले बताउनुभयाे ।
कार्यक्रममा सहभागिहरु
१. विजय गिरी
२. टिकाराम गिरी
३.बासु बिडारी
४. टेक बहादुर गुरुङ
५. अनिल गुरुङ
६. प्रकाश चापागाईं
७. चन्द्रमणि गौली
८. नारायण रिजाल
९. सोम तामाङ
१०. फुलेशोर चौधरी
११. उपकार महतो
१२. जनक परियार
१३. अनिल महतो
१४. रुमित राउत
१५. निरज चौधरी
१६. डाेमा पौडेल
१७. सुदास तामाङ्ग

लाेक कल्याणकारी