पर्वत।पर्वतको मोदी गाउँपालिका- ३,देउराली लाङ्दी पहिरो पीडितलाई पर्वतका लायन्स क्लबहरुले नगद सहित खाद्यान्न सहयोग गरेका छन् । घर माथिबाट आएको पहिरोले घर पुरिँदा पहिरोमा पुरिएर मृत्यु भएका छबिलाल विश्वकर्मा र उहाँकि पत्नी बिष्णुमती विश्वकर्माको परिवारलाई सहयोग हस्तान्तरण गरिएको हो ।
लायन्स क्लब अफ पर्वत सारथी, लायन्स क्लब अफ पर्वत भूमेकोट, लायन्स क्लब अफ पर्वत गुप्तेश्वर र लायन्स क्लब अफ पर्वत गुप्तेश्वर मोदीको संयुक्त पहलमा नगद २० हजार, खाद्यान्न र भाडावर्तन घरमै पुगेर हस्तान्तरण गरिएको लायन्स क्लब अफ पर्वत सारथीका अध्यक्ष शर्मिला शर्माले जानकारी दिनुभयो ।
दुखको बेलामा थोरै भएपनि राहत होस् भन्ने हेतुले नगद सहित आवश्यक खाद्यान्न सामाग्री चामाल दाल,नुन, तेल लगायत भाडावर्तन सहयोग गरिएको उहाँले बताउनुभयो । सहयोग हस्तान्तरण कार्यक्रममा विभिन्न लायन्स क्लबका अध्यक्षहरु लगायतको उपस्थिति रहेको थियो ।
