पर्वत ।नेपाल पत्रकार महासंघ पर्वत शाखालाई फलेवास नगरपालिका वडा नं. ४ मुडिकुवा वडाअध्यक्ष अचुत तिवारीले व्यक्तिगत लगानीमा साउण्ड सिस्टम हस्तान्तरण गर्नुभएकाे छ ।

संघको सभाहलमा आयोजित एक कार्यक्रममा उहाँले पत्रकारिता क्षेत्रको सशक्तिकरण र प्रविधिगत सुदृढीकरणका लागि साउण्ड सिस्टम प्रदान गर्नुभएकाे हाे । कार्यक्रममा नेपाल पत्रकार महासंघका केन्द्रीय सदस्य छबिलाल तिवारीको विशेष उपस्थिति रहेको थियो।

कार्यक्रममा पत्रकार महासंघ पर्वतका पदाधिकारीहरू, पत्रकारहरू तथा अन्य सामाजिक व्यक्तित्वहरूको उपस्थिति थियो।

अध्यक्ष अचुत तिवारीले पत्रकारिता लोकतन्त्रको मेरुदण्ड भएको भन्दै सूचना सम्प्रेषणमा गुणस्तरीयता ल्याउन प्रविधिको महत्त्वपूर्ण भूमिका हुने बताउनुभयाे ।

केन्द्रीय सदस्य छबिलाल तिवारीले यस्ता सहयोगले पत्रकारहरूको हौसला बढाउने भन्दै अध्यक्ष तिवारीलाई धन्यवाद व्यक्त गर्नुभयाे । कार्य समितिकाे नियमित बैठक पनि बसेकाे थियाे । महासघंले लेखन बृत्ति पत्रकारिता पुरस्कार काेश स्थापना गर्ने निणय गरेकाे छ ।जसकाे संयाेजकमा पुर्व अध्यक्ष ओम घायल, सदस्यमा गणेश गिरी ,रन्जना खत्री, क्षेत्री लाई सिफारिस गरेकाे छ । साथै सात वटै पालिकामा धुम्टी बैठक गर्ने,कालिगण्डकी संरक्षण का लागि पहल गर्ने लगाएतका निर्णय गरेकाे छ ।

महासंघका पर्वतका अध्यक्ष लक्ष्मण सापकाेटाकाे अध्यक्षतामा सम्पन्न कार्यक्रमको सञ्चालन सचिव साजन परियारले गर्नु भएकाे थियाे ।

लाेक कल्याणकारी