पर्वत। आज साउन महिनाको पहिलो सोमबारका अवसरमा पर्वत जिल्लाको प्रसिद्ध धार्मिक स्थल **गुप्तेश्वर महादेव मन्दिर**मा बिहानैदेखि भक्तजनहरूको घुइँचो लागेको छ। शिवको आराधना गर्ने विशेष दिनको रूपमा लिइने यस सोमबारमा गण्डकी प्रदेशका विभिन्न जिल्लाबाट आएका श्रद्धालुहरू मन्दिरमा दर्शन र पूजा गर्नका लागि लामबद्ध देखिन्थे।

बिहान ४ बजेदेखि नै भक्तजनको आगमन सुरु भएको र दिन चढ्दै भीड अझ बढेको गुप्तेश्वर धार्मिक क्षेत्र व्यवस्थापन समितिले जानकारी दिएको छ। कतिपय भक्तजन व्रत बसेर नुहाईधुवाई गरी जल चढाउने, बेलपत्र अर्पण गर्ने तथा शिवलिङ्गमा दूध र घिउ चढाउँदै आराधनामा लिप्त देखिएका थिए। अरु शक्ति पिठमा पनि भक्तजनकाे भिड रहेकाे छ ।

साउन महिनाको सोमबार विशेष पूजा हुने भएकाले फूलमाला, पूजासामग्री, प्रसाद र खानेकुरा बेच्ने स्थानीय व्यवसायीहरूलाई पनि राम्रो आम्दानी भएको छ। चिया, नास्ता र फलफूल पसलहरूमा चहलपहल बढेको थिय।

महिनामा विशेषगरी शिव भक्तहरूले सोमबार व्रत बसी शिव मन्दिरमा पूजा गर्ने परम्परा छ। पर्वतको गुप्तेश्वर मन्दिरमा हरेक वर्ष यो समयमा हजारौँ भक्तजनको उपस्थितिले धार्मिक पर्यटनको प्रवर्द्धनमा समेत टेवा पु¥याउँदै आएको छ।

आज पर्वतको प्रसिद्ध गुप्तेश्वर गुफा, अलपेश्वर गुफा लगायतका शिवालयहरुमा बिहानैदेखि भक्तजनहरुको घुँईचो लागेको छ

लाेक कल्याणकारी