पर्वत । जिल्लाको मोदी गाउँपालिकामा पहिरोमा पुरिएका दम्पत्ति मध्ये एक जनाको शव फेला परेको छ । मोदी गाउँपालिका कार्यपालिका सदस्य लक्ष्मी विकका अनुसार पहिरोले पुरिएको अवस्थामा छविलाल विकको शव फेला परेको हो । पहिरोमा परी उनकी श्रीमती विष्णुकुमारी विक अझै हराईरहेकी छिन् ।

पहिरोबाट बुहारी पवित्रा विक भने सकुशल बाँच्न सफल भएकी छिन् । घर माथिबाट आएको पहिरोमा परी विक दम्पत्ति आइतबार विहान देखि वेपत्ता थिए । वेपत्ता विष्णुकमारी विकको खोजी कार्य स्थानीयबासीहरुले गरीरहेको छन् ।

घटनास्थलमा सुरक्षाकर्मीको टोली पुग्दै गरेको छ । निरन्तर बर्षात भईरहेका कारण उद्धारमा थप कठिानाई भएको र घटनास्थलमा आफूहरु जाँदै गरेको गाउँपालिका अध्यक्ष हिरादेवी शर्माले जानकारी दिनुभयो । वडाअध्यक्ष देवेनद्रबहादुर क्षेत्रीले पहिरोग्रस्त स्थलमा वेपत्ताहरुको खोजी कार्य भईरहेको बताउनुभएको छ ।

लाेक कल्याणकारी