चितवन। बर्ड एजुकेशन सोसाइटी चितवनले रत्ननगर नगरपालिका–८ र ९ स्थित बाघमारा, मनोहरा र सिसई क्षेत्रका खेतबारी तथा सिमसारहरूमा चरा अवलोकन गरेको छ। शनिवार सम्पन्न कार्यक्रममा बर्ड एजुकेशन सोसाइटी , साैराह चितवनबाट ८ जना सहभागी रहेका थिए ।

अवलोकन मा ६० प्रकारका चराहरु देखिएकाे यसै सस्थांका अध्यक्ष बिजय गिरीले बताउनु भयाे । नियमित रूपमा सञ्चालन हुँदै आएको चरा अवलोकन कार्यक्रममा यस पटक देखिएका चराहरूमा केही दुर्लभ प्रजातिहरू पनि समावेश थिए।

बर्ड एजुकेशन सोसाइटीका अनुसार धानखेत र सिमसार क्षेत्रहरूले चितवनमा जैविक विविधताको संरक्षणमा महत्त्वपूर्ण योगदान दिइरहेका छन्।

चराहरूको लागि यी क्षेत्रहरू उपयुक्त वासस्थानका रूपमा विकास हुँदै गइरहेको गिरीले बताउनुभयाे ।

संस्थाले चरा अवलोकनसँगै चरा संरक्षण तथा जनचेतना अभिवृद्धिका लागि विभिन्न कार्यक्रमहरू पनि सञ्चालन गर्दै आएको छ।

अब हुनेकार्यक्रमकाे सम्पुर्ण जानकारी सस्थाकाे फेसबुक पेज मार्फत पछि गराईने यसै सस्थांका सचिव प्रकाश चापागाईले बताउनु भयाे ।

चराकाे प्रकार बारे अनुसन्धान यसै सस्थाका काेषाध्यक्ष चन्द्रमणी गाैलीले गर्नु भएकाे थियाे । अवलाेकन कार्यक्रममा प्रकाश चापागाई,चन्द्रमणी गाैली, साेम जि. सी. फुलेश्वर चाैधरी ,डाेमा पाैडेल,निरज चाैधरी,जनक परियार,जेनस जि. सी. सहभागी रहनुभएकाे थियाे ।

चराप्रेमी, अनुसन्धानकर्ता तथा स्थानीय बासिन्दाहरूको चासो र सहभागिता दिनप्रतिदिन बढिरहेको सन्दर्भमा यस्ता कार्यक्रमहरूले जैविक विविधता र वातावरण संरक्षणमा सकारात्मक प्रभाव पार्ने अपेक्षा गरिएको छ।

लाेक कल्याणकारी