पर्वत, कुश्मा । सामाजिक कार्यमा सक्रिय ईनरह्वील क्लब अफ पर्वतको ११औं पदस्थापना कार्यक्रम  पर्वतको कुश्मामा सम्पन्न भएको छ।

कार्यक्रमका प्रमुख अतिथि डिस्टिक 350 की चेयरम्यान कमला श्रेष्ठ र विशिष्ट अतिथि डिस्टिक सेक्रेटरी विनिता भट्टराई रहेकी थिइन्। प्रमुख अतिथि श्रेष्ठले ईनरह्वील क्लब पर्वतको सामाजिक सेवामा समर्पण र महिलाहरूको नेतृत्व विकासमा महत्वपूर्ण योगदान रहेको भन्दै क्लबका गतिविधिको खुलेर प्रशंसा गर्नुभयो। उहाँले भन्नुभयो:

“सामाजिक रूपान्तरणको बाटो महिलाको सशक्तिकरणबाट हुन्छ, र ईनरह्वील क्लब पर्वतले त्यो बाटो प्रभावकारी ढंगले सम्हाल्दै आएको छ।”

कार्यक्रममा विभिन्न संघ-संस्थाका प्रतिनिधिहरूको उपस्थिति रहेको थियो। वर्ष २०२५/२६ का लागि अध्यक्ष सुजता वि. पौडेललाई औपचारिक रूपमा पदस्थापन गरियो। उहाँले आगामी वर्ष क्लबलाई अझै बढी सामाजिक उत्तरदायित्वमा क्रियाशील बनाउने प्रतिबद्धता व्यक्त गर्नुभयाे ।

यसअघि, २०२४/२५ की अध्यक्ष सरिता भुषालले आफ्नो कार्यकालको प्रगति विवरण प्रस्तुत गर्दै सफलतापूर्वक सम्पन्न सामाजिक अभियानहरूको प्रतिवेदन प्रस्तुत गर्नुभयो।

कार्यक्रमको सञ्चालन क्लबकी सचिव लिला दवाडीले गर्नुभएको थियो भने स्वागत मन्तव्य सदस्य माया पुरीले दिनुभएको थियो।

सो अवसरमा सामाजिक कार्यमा अग्रसर महिला दिदीबहिनीहरूलाई सम्मान समेत गरिएको थियो। स्थानीय स्तरमा सामाजिक सेवा र महिला सशक्तिकरणमा निरन्तर अग्रणी भूमिका निभाउँदै आएको क्लबको सबै उपस्थित व्यक्तिहरुले खुलेर प्रशंसा गरेका थिए।

लाेक कल्याणकारी