पर्वत । भु तथा जलधार व्यवस्थापन कार्यालय पर्वतले ५० हजार डालेघासँका विरुवा वितरण गर्ने भएको छ ।कार्यालयको आव २०८१/२०८२ को वार्षिक कार्यक्रम अन्र्तगत ५० हजार डालेघासँका विरुवाहरु वितरण गरिने कार्यालय प्रमुख शम्भु कुमार मिश्र जानकारी दिनुभयो । कार्यालयले राइखन्यू , निमारो र बासका विरुवा निशूल्क रुपमा विरुवा वितरण गर्न थालेको हो ।
पर्वत वाट राईखन्यूको विरुवाहरु आज असार १५ गते वाट वितरण शुरु गरिएको छ ।विरुवा आवश्यक रहेका कृषकहरुलाई निशूल्क वितरण गरिने छ । १०० वटा भन्दा वढी डालेघासका विरुवा लाने कृषकहरुले निवेदन सहित वडाको सिफारिस लिएर आउनु पर्ने कार्यालय प्रमुख मिश्रले वताउनु भयो । १०० भन्दा कम विरुवा लानका लागि भने कुनै कागजात आवश्यक नपर्ने उहाले जानकारी दिनुभयो ।
विरुवा उत्पादमा राज्यको रकम खर्च भएकोले विरुवा लगेर कसैले पनि दुरुपयोग नगर्न कार्यालयले अनुरोध गरेको छ । पर्वत लगाएत म्याग्दी ,वाग्लुङमा वाझो जमिनमा डालेघासको रुपमा रायूखन्यो ,निमारो वढी मात्रमा लगाउने प्रचलन अनुसार पर्वत लगाएत म्याग्दी र स्याङजा वाट समेत विरुवा वितण्रण गरिने कार्यालय प्रमुख शम्भु कुमार मिश्रले जानकारी दिनुभयो ।
यस वर्ष म्याग्दीवाट २० स्याङजा वाट १५ हजार र पर्वत वाट १५ हजार गरि ५० हजार डालेघासका विरुवा वितरण गर्न लागेको कार्यालयले जानकारी दिएको छ ।गत वर्ष पनि यही सिजनमा ६७ हजार डालेघासका विरुवा वितरण गरेको कार्यालयले जनाएको छ । डालेघासका विरुवा वितरण गर्दा पशुका लागि आहार हुने साथै डालेघासका विरुवा लगाउदा भु क्षय न्यूनिकरण हुनुका साथै पहिरो नियन्त्रणमा सहयोग पुग्ने हुदा कार्यालयले हरेका वर्ष डालेघासका विरुवा वितरण गर्दै आएको हो । कार्यालय परिसरको नर्सरीवाट वाट पर्वत र वाग्लुङ जिल्लाका किसानले विरुवा लाने गरेका छन् ।
