सम्राट जि सी रुपन्देही , माओवादी केन्द्रबाट सरकारमा पठाउनेको सूची तयार भएको छैन । माओवादी केन्द्रका अध्यक्ष पुष्पकमल दाहाल ‘प्रचण्ड’ आफ्नो पार्टीबाट सरकारमा पठाउने मन्त्रीको छनौट गर्न मापदण्ड बनाएर काम गरिरहेका छन् । मन्त्रीमा पठाउनु पर्ने संख्या थोरै भएकाले नेतृत्वलाई छनौट गर्न कठिनाइ पनि भइरहेको छ ।पार्टीप्रति इमानदार र संकटका बेला साथ दिनेलाई मन्त्रीको जिम्मेवारीमा पठाउने तयारी प्रचण्डले थालेका छन् । धेरै पटक मन्त्री भएर पनि खासै केही गर्न नसकेकालाई जिम्मेवारी नदिने नेतृत्वको योजना छ । मन्त्रीमा सिफारिस गर्दा सक्षमसँगै सबै कलष्टर मिलाएर गर्ने तयारी भइरहेको माओवादी स्रोतले जनाएको छ ।यसपटम मधेसीबाट शिवकुमार मण्डल र मातृकाप्रसाद यादवको नाम मन्त्रीमा जाने सूचीमा छ । तर, माओवादीको भागमा धेरै मन्त्रालय नभएकाले मधेसी कलष्टरबाट एकजना मात्र मन्त्री हुने सम्भावना छ । मण्डल प्रदेश १ का हुन भने यादव प्रदेश २ का हुन् ।

माओवादी केन्द्रको तर्फबाट प्रदेश २ का धेरै नेताले मन्त्री हुने अवसर पाइसकेकाले यसपटक प्रदेश १ लाई अवसर दिनुपर्ने दबाब नेतृत्वलाई छ । प्रदेश २ का रामेश्वर यादव यसअघि केपी ओलीको मन्त्रिमण्डलमा थिए । त्यसैगरी अहिले माओवादी छाडेका प्रभु साह पनि माओवादीबाटै सरकारमा सहभागी थिए । साह पनि प्रदेश २ कै हुन् । त्यसैगरी प्रदेश २ सरकारमा माओवादीबाट भरत साह भर्खरै मन्त्री बनेका छन् । मातृका यादव पनि पटक-पटक मन्त्री भइसकेका छन् ।

त्यसैले गर्दा अहिले सरकारमा पठाउने मन्त्रीको छनौट प्रदेश १ बाट गर्नुपर्ने दबाबमा नेतृत्व परेको हो । मधेसीबाट एकजना मात्र मन्त्री बनाउँदा शिवकुमार मण्डल बलिया उमेदवार हुन ।मातृका यादव सिनियर भए पनि उनले धेरै पटक अवसर पाइसकेका छन् । उनी मन्त्री हुँदा खासै उल्लेखनिय काम पनि गर्न सकेका थिएनन् । २०७० सालमा सर्वत्र माओवादीका उमेदवार पराजित हुँदा मोरङबाट जितेका मण्डल युवा र संघर्षको मैदानमा सदैव डटेर लागि पर्ने भएकाले नेतृत्वको रोजाइमा पनि छन् । मण्डल माओवादीका इमानदार र संघर्षशील नेताका रुपमा चिनिन्छन् ।

लाेक कल्याणकारी