सुचनाकेन्द्र संवाददाता प्रकाशित : २०७८/४/१४ गते
नेकपा एमालेको माधव नेपाल पक्षले अध्यक्ष केपी शर्मा ओलीलाई संसदीय दलको नेताबाट हटाउने तयारी गरेको छ ।नेपाल समूहका नेताहरुको बुधबार बसेको बैठकले यस्तो रणनीति अपनाउने निष्कर्ष निकालेको हो । संसदीय दलमा पनि बहुमत पुर्याउने तयारी भएको नेपाल समूहका सांसदहरुले बताएका छन् । अझै केही दिन हेर्ने र ओलीलाई संसदीय दलको नेताबाट हटाउने नेपाल पक्षका सांसदहरुको भनाइ छ । संसदीय दलमा हामीले बहुमत पुग्नेमा नेपाल समूह विश्वस्त देखिएको छ । त्यसपछि मात्रै सरकारमा जाने विषयमा निर्णय गरिने बताइएको छ । प्रधानमन्त्री शेरबहादुर देउवाले सरकार विस्तारबारे छलफलका लागि राखेको बैठकमा नेता नेपाल सहभागी भइरहेका छन् । नेपालले सरकारमा सहभागिताबारे स्पष्ट धारण नदिएकाले देउवाले थप मन्त्री नियुक्त गर्न ढिलाइ गरिरहेका छन् ।
