गोबिन्द,पर्बत । तेस्रो ऐतिहासिक राष्ट्रिय मगर महोत्सवमा आज एघारौ दिनमा भएको महोत्सवको आकर्षणका रूपमा रहेको मोफसलकै सवैभन्दा ठुलो पुरस्कार राशिको खुल्ला अन्तरपालिका पुरूष भलिवल प्रतियोगिता अन्तर्गत हिजोको दोस्रो सेमिफाइनल खेल गलकोट नगरपालिकाको र बिहादी गाउँपालिका बिच हुने तयारी भईरहेको थियो । गलकोट नगरपालिका समयमानै मैदानमा उपस्थित भए पनि निर्धारित समय सम्म पनि बिहादी गाउँपालिका खेल मैदानमा उपस्थित नभएको हुँदा खेल रेफ्री र आयोजकहरुले वाकओभर दिदै गलकोट नगरपालिका फाईनलमा प्रबेश गर्न सफल भयो ।
त्यस्तै तेस्रो स्थानको लागि हुने खेलपनि बिहादी गाउँपालिका सेमिफाइनलमा उपस्थती नभएको हुदाँ फलेबास नगरपालिकाले स्वत तेस्रो स्थान प्रप्त गरेको छ । पहिलो सेमिफाइनल खेलमा फलेबास नगरपालिका कुश्मा नगरपालिका संग पराजित भएको थियो । अब फाईनल नगरपालिका कुश्मा नगरपालिका र गलकोट नगरपालिका बीच हुनेछ । नकआउट चरण मा खेलाएको उक्त प्रतियोगितामा प्रथम हुनेलाई सर्बाधिक पुरस्कार २,०२,२२२/ (दुईलाख दुईहजार दुईसय बाईस रुपयाँ, सिल्ड मेडल र प्रमाणपत्र) दोश्रो लाई १,०१,१११/ (एकलाख एकहजार एकसय एघार रुपयाँ सिल्ड मेडल र प्रमाणपत्र) तृतीय हुने लाई नगद ५०,१११/ (पचासहजार एकसय एघार रुपयाँ सिल्ड मेडल र प्रमाणपत्र) रहेको खेल संयोजक होम पुनले हाम्रो सूचना केन्द्र डटकम लाई जानकारी गराउनु भयो ।
