क्यालीफोर्निया ।
एन आर एन ए क्यालिफोर्निया च्याप्टरले आयोजना गरेको भलिवल फाइनलको अत्यन्त रोमान्चक खेल टेक्ससको टोलीले जितेको छ ।
सानफ्रन्सिस्कोमा भर्खरै सम्पन्न अत्यन्त प्रतिस्पर्धात्मक खेलमा न्यूयोर्कको टोलीलाई टेक्ससले हराएको हो ।
यो संगै बिजेता टोलीले सर्वाधिक १२ हजार डलर पुरस्कार जितेको छ ।
अन्तिम खेलमा १५-१३ स्कोर सहित न्यूयोर्कले बाजी मारेको हो ।
बेस्ट अफ फाईवको खेलमा अन्तिम प्रतिस्पर्धाअघि २-२ जित सहित दुबै टोली बराबरको स्थितिमा थिए ।
खेलको उपबिजेताकालागि ७ हजार डलर पुरस्कार राखिएको छ । तेस्रो हुनेले ५ हजार र चौथो हुने टोलीकालागि २ हजार डलर पुरस्कार राखिएको यो खेल अमेरिकामा नेपाली समुदायमझ हुने सर्वाधिक पुरस्कार राशी मघ्येको प्रतियोगिता हो ।
विजेता – उपबिजेतासहित सम्पूर्ण सहभागी टोलीहरु र खेल सम्पन्न गर्न सघाउने सबै नेपाली समुदायप्रति आयोजक टोलीले धन्यवाद ज्ञापन गरेको छ ।
स्मरण रहोस् – एनआरएनए क्यालिफोर्निया च्याप्टरले नेपाली नयां बर्षको उपलक्ष्यमा भोली आइतबार सानफ्रान्सिस्कोमा नेपाल डे परेडसहितको बृहत कार्यक्रम आयोजना गरेको छ ।
कार्यक्रम सफल पार्न देश बिदेशबाट पाहुनाहरु आईसकेको आयोजक हरुले बताएका छन् ।
