रबिन सुवेदी, पर्वत । पर्वत जिल्ला कुश्मा नगरपालिका वडा नम्बर १० पिपलटारीमा सडकको कारण २ घर र २ गोठ जोखिममा परेका छन् । स्थानिय रुपमा खनिएका सडक र नाली सानो भएको कारण जोखिमपुर्ण अबस्था भएको स्थानियले सुचनाकेन्द्र डटकमलाई बताएका छन् ।
उपयुक्त ढल निकास नभएको कारण पिपलटारीका हरि गिरिको घर बस्नै नसकिने गरी उच्च जोखिममा रहेको छ । घर र गोठ दुबै उच्च जोखिममा परेपछि पटक पटक स्थानीय सरकार वडा कार्यालयसँग गुहार माग्दा पनि खासै ध्यान नदिएको कारण झनै जोखिम भएको गिरीको भनाई छ ।
अबिरल रुपमा पानी परेको बेला घरबाट करिब १० मिटर तलबाट पुर्ण रुपमा भासिएको र पहिरो समेत गएको गिरीले बताएका छन् । गिरी भन्छन् लगातार पानी परेपछी निदाउन नसकिने र रात भरी घर बाहिर बस्न बाध्य भएको समेत उनले बताउछन् ।
स्थानिय सरकार र सम्बन्धित निकायमा जानकारी गराएका छौं, कसैले वास्ता गर्दैनन् । हामी पानी परेको रात निदाउन पनि सक्दैनौं घर गोठ दुुबै जोखिममा छन् । पानीको कारण घर नजिक भासिएको छ । जिवन नै जोखिममा परेको कारण बोल्नु पर्ने भयो भन्दै गिरीले सुचनाकेन्द्र डटकमलाई बताएका छन् ।
यस स्थानमा तत्कालै उपयुक्त ढलको निकास र सडकको नाली ब्यबस्थापन नगर्ने हो भने ठुलो जोखिम आउने अबस्था रहेको छ । सम्बन्धित निकायको ध्यान बेलैमा जावोस ।। अन्यथा ठुलो क्षती भोग्नु पर्ने अबस्था आउने छ ।।
