SuchanaKendra

  • Radio Kushum


  • सुचनाकेन्द्र संवाददाता प्रकाशित : २०७८/७/६ गते
    ३७५ &#२३४६;&#२३३५;&#२३२५;

    काठमाडौं । कमजोर अनुसन्धानका कारण अपहरण तथा शरीर बन्धक सम्बन्धी कसूरका अभियुक्तले सफाइ पाएको निष्कर्षसहित तीन प्रहरी अधिकारी कारबाहीमा पर्ने भएका छन् । भ्याल्ली कोल्ड स्टोरका सञ्चालक बाबुराजा रावलको अपहरणमा संलग्न मध्येका एक दुर्गाबहादुर बुढाथोकीले सफाइ पाएपछि छानविनका लागि गठित समितिले तीन अधिकारीलाई कारबाही गर्न सिफारिस गरेको हो ।

    महानगरीय प्रहरी कार्यालय, रानीपोखरीका एसएसपी चक्रबहादुर सिंहको नेतृत्वमा बनेको छानविन समितिले काठमाडौं प्रहरी परिसर, टेकुको मुद्दा शाखामा कार्यरत प्रहरी निरीक्षक नानीकाजी थापासहित एक/एक जना असई र हवल्दारलाई विभागीय कारबाही गर्न सिफारिस गरेको छ । सिंह नेतृत्वको समितिले मुद्दा कमजोर बनाउने उनीहरुको नियत नभएपनि लापरबाही भएको निष्कर्ष निकालेको छ ।

    साथै, आगामी दिनमा काठमाडौं प्रहरी परिसर, टेकुको मुद्दा शाखा प्रहरी उपरीक्षक (एसपी) को नेतृत्वमा राख्न पनि सुझाएको छ । काठमाडौं प्रहरी परिसरमा मुद्दाको चाप बढी हुने हुँदा पनि अनुसन्धान अधिकृतले सबै कुरामा ध्यान दिन नपाएको छानविन समितिको निष्कर्ष छ ।

    प्रहरीको केन्द्रीय अनुसन्धान ब्यूरो (सीआईबी) ले १४ पुस २०७७ मा भारतबाट बुढाथोकीलाई पक्राउ गरेको थियो । प्रहरीसँगको बयानमा उनले रावलको अपहरणमा संलग्नता स्वीकारेका थिए । सरकारी वकिलसमक्ष पनि उनले संलग्नता स्वीकारेका थिए । तर अदालतमा उनले इन्कारी बयान दिए ।

    अनुसन्धान अधिकृतले उनी नेपाली नागरिक भएको प्रमाणित गर्ने आधार बुझाएका थिएनन् । त्यसैमा टेकेर जिल्ला अदालत, काठमाडौंका न्यायाधीश अम्बिकाप्रसाद निरौलाले बुढाथोकीलाई सफाइ दिने विवादास्पद फैसला गरेका थिए । आदेशविरुद्ध सरकारी वकिलले पुनरावेदन गर्ने तयारी गरेको छ । कुमार बुढाथाेकी । फाइल फोटो ।

    प्रतिकृया दिनुहोस्

    Loading...

    गोकुल बास्कोटाको घरमा भेटिएको शंकास्पद वस्तु सेनाद्वारा निष्क्रिय

    भक्तपुर । नेकपा एमालेका नेता एवम् नवनिर्वाचित प्रतिनिधि सभा सदस्य गोकुल बास्कोटाको भक्तपुरस्थित घरमा भेटिएको...

    क्यान पर्वतको पाँचौ अधिबेशन सम्पन्न, अध्यक्षमा अच्युत पौडेल

    पर्वत ,कम्प्युटर एशोसिएसन नेपाल महासङ्घ (क्यान महासंघ) पर्वत शाखाको पाँचौ अधिबेशनले अच्युत पौडेलको अध्यक्षतामा नयाँ...

    बाजुराबाट प्रदेशसभामा एकीकृत समाजवादीका शाही निर्वाचित

    काठमाडौं । बाजुराको प्रदेश सभा निर्वाचन क्षेत्र १ बाट नेकपा एकीकृत समाजवादीका नरेशकुमार शाही निर्वाचित...

    एमालेसँग मिलेर सरकार बनाउने विकल्प माओवादीमा खुला

    काठमाडौं । नेकपा माओवादी केन्द्रमा नयाँ सरकार गठन जोसुकैसँग मिलेर गर्न सकिने विकल्पलाई खुल्ला राख्नेबारे...

    स्याङ्जा २ मा कांग्रेसका धनराज गुरुङको जित निश्चित

    काठमाडौं । स्याङ्जा २ बाट प्रतिनिधिसभा सदस्यमा नेपाली कांग्रेसका उम्मेदवार धनराज गुरुङ जित निश्चित भएको...

    Loading…

    फेसबुकमा हामीलाई लाईक गरौं