सुचनाकेन्द्र संवाददाता प्रकाशित : २०७८/१/९ गते
पर्वत । कोरोना संक्रमणको दर बढ्दै गएपछि पर्वतको कुश्मा नगरपालिकाले नगर क्षेत्रका विद्यालय आगामी वैशाख १७ गतेसम्म बन्द गर्ने निर्णय गरेको छ । कुश्मा नगरपालिकामा बसेको आज कोरोना रोकथाम सम्बन्धि वैठकले विद्यालयहरुम संक्रमणको दर जोखिम उच्च रहेको निश्कर्ष निकाल्दै विद्यालयहरु बन्द गर्ने निर्णय गरेको निमिक्त प्रमुख प्रशासकीय अधिकृत विष्णु तिवारीले जानकारी दिए ।
संक्रमणको दर उच्च हुने सम्भावना भएपछि सदरमुकाम सहित नगरक्षेत्रका नीजि तथा सरकारी सवै विद्यालयहरु बन्द गर्ने निर्णय भएको तिवारीको भनाई छ । विद्यालयहरुले अनलाईन कक्षा मार्फत भने शिक्षण गर्नुपर्ने उनले जानकारी दिए ।
विद्यालयहरुमा सञ्चालन भइरहेका परिक्षाहरु भने नरोकिने तिवारीको भनाई छ । संक्रमणको दर हेरेर विद्यालय बन्दको समयावधि थपघटको निर्णय गर्नसकिने गरी विद्यालय बन्दको निर्णय गरिएको हो ।
