पर्वत । जिल्लामा क्रियाशिल महिला पत्रकारहरुको सञ्जाल सञ्चारिका समुहको तेश्रो अधिवेशन सम्पन्न भएको छ । समुहले नयाँ नेतृत्व चयन गर्दै अधिवेशन सम्पन्न भएको हो ।
अधिवेशनले बिष्णु गौतमलाई निर्बिरोध अध्यक्षमा चयन गरेको छ भने उपाध्यक्षमा शान्ति शर्मा, सचिवमा संगिता के.सी , सहचिवमा मिना पराजुली कोषाध्यक्षमा कमला लामिछाने, सदस्यहरुमा दुर्गा शर्मा,सन्तोषाी क्षत्री,आशा शर्मा,मनिसा कार्कि,लक्ष्मी पुन चयन भएका छन् ।
त्यस्तै समुहको संरक्षकमा निर्वतमान अध्यक्ष माया अधिकारी, पत्रकार महासंघ पर्वतका केन्द्रिय पार्सद रन्जना खत्री र पत्रकार महासंघ पर्वतका उपाध्यक्ष इन्दीरा तिवारी इन्दुलाई चयन गरिएको छ । भने, आमन्तृत सदस्यहरुमा मिना थापा, मुना लामिछाने,पबित्रा पौडेल,इन्दीरा तिवारी शर्मा ,उमा थापा र निशा थापा अधिबेशन मार्फत चयन भएका छन् ।
अधिवेशनको उद्घाटनका क्रममा बोल्दै नेपाल पत्रकार महासंघ पर्वतका अध्यक्ष सन्तोष थापाले महिला सञ्चारकर्मीहरुले क्रियाशिलतामा जोड दिनुपर्ने बताउनुभयो । उहाँले संख्यात्मक रुपमा नभई व्यवहारिकता र कलमजिवीको मार्गमा महिला पत्रकारहरु अझै सक्रिय हुनुपर्ने बताउनुभयो ।
कार्यक्रममा नेपाल पत्रकार महासंघ केन्द्रिय पार्षसद रन्जना खत्री, नेपाल पत्रकार महासंघ पर्वतका उपाध्यक्ष इन्दीरा तिवारीले शुभकामना ब्यक्त गर्नुभएको थियो । निवर्तमान अध्यक्ष माया अधिकारीको अध्यक्षतामा सम्पन्न सो अधिवेशनमा उपधाध्यक्ष बिष्णु गौतमले स्वागत मन्तवय राख्नुभएको थियो । कार्यक्रमको संचालन सचिव शान्ति सुवेदीले गर्नुभएको थियो ।
