एजेन्सी ।फ्रेन्च क्लब पेरिस सेन्ट जर्मेन (पिएसजी) बोरुसिया डर्टमण्डमाथि दोस्रो लेगमा २–० को जित हात पारेपछि समग्रमा पिएसजीले ३–२ को जित निकाल्दै युरोपियन च्याम्पियन्स लिगको क्वाटरफाइनलमा प्रवेश गरेको छ ।पहिलो लेगमा २–१ ले पराजित पिएसजीलाई क्वाटरफाइनल पुग्न दोस्रो लेगमा जित हात पार्नै पर्ने बाध्यता थियो । तर घरेलु मैदानमा कोरोनाका कारण पिएसजीले दर्शक बिनै खेल्नुपर्यो । यस्तोमा नेमार र युलियन ब्रान्टले गोल गर्दै पिएसजीलाई पुनरागमन जित दिलाए । समग्रमा पिएसजीले ३–२ ले खेल जित्यो ।
पीएसजीले पहिलो लेग हारेर पनि पहिलोपटक नकआउट स्टेजको अघिल्लो चरणमा पुगेको हो ।घरेलु मैदान पार्क डे प्रिन्समा भएको खेलमा पीएसजीका लागि नेमारले २८औं र ब्रान्टले पहिलो हाफको इन्जुरी टाइममा गोल गरे । डर्टमण्डका एम्रे चानले ८९औं मिनेटमा रातो कार्ड खाँदै मैदान छाडेका थिए ।पीएसजी छैटौं पटक च्याम्पियन्स लिगको क्वाटरफाइनल पुगेको हो ।
