पर्वत । जिल्लाको विहादी गाउँपालिकामा सञ्चालीत राष्ट्रपति रनिङ शिल्डको उपाधि विहादी ३ रानीपानी स्थित नेपाल तारा माविले जितेको छ ।४ दिनसम्म सञ्चालन भएको प्रतियोगीतामा लगातार ३ बर्षसम्म लगातार उपाधि हात पारेको नेपाल तारा माविले अन्ततः रनिङ शिल्ड नै जितेको हो । ८ स्वर्ण, ४ रजत र ४ कास्य गरी १६ पदक नेपाल तारा मावि सहित नेपाल तारा माविले शिल्ड हात पारेको हो ।
https://youtu.be/qYmb5HdkPhM?si=1poAOdkYnEHA3PGY
यसैगरी आम्बारी माविले द्धितिय स्थान हासिल गरेको छ । ७ स्वर्ण, ३ रजत र ६ कास्य १६ पदक सहित आम्बारी मावि द्धितिय भएको हो । प्रतियोगीतामा जनकल्याण माविले तृतिय स्थान हासिल गरेको छ । ७ स्वर्ण, ३ रजत, ५ कास्य गरी १५ पदक जनकल्याण माविले तृतिय स्थान हासिल गरेको हो ।
प्रतियोगीताको अवसरमय खेलमैदानका लागि जग्गा उपलब्ध गराउने स्थानीयबासीलाई सम्मान समेत गरिएको थियो ।प्रतियोगीताको समापनमा विजयी विद्यालयहरुलाई शिल्ड, मेडल, प्रमाणपत्र र नगद पुरस्कार वितरण गरिएको थियो । प्रतियोगीताको समापन शत्रमा बोल्दै अध्यक्ष परविन गुरुङले खेल क्षेत्रको विकास र विस्तारमा गाउँपालिकाले आगामी दिनमा अध्यक्ष कपको आयोजना गर्ने बताए ।
https://youtu.be/qYmb5HdkPhM?si=1poAOdkYnEHA3PGY
उनले खेलक्षेत्रलाई गाउँपालिकाले प्राथमिकतामा राखेको समेत बताएका थिए । गाउँपालिकाले आयोजना गरेको प्रतियोगीतामा सहभागी टिमलाई बधाई दिदै अध्यक्ष गुरुङले खेलकुद सञ्चालन गर्दा भएका कमीकमजोरीको सम्पूर्ण जिम्मेवारी आफूले लिने बताएका थिए । खेलकुदले ब्यक्ति, गाउँ र देशलाई चिनाउने भन्दै अध्यक्ष गुरुङले खेलाडीलाई खेलकुदमा लाग्न प्रोत्साहन गरेका थिए ।
गाउँपालिका उपाध्यक्ष मिना शर्मा तिवारी, प्रमुख प्रशासकीय अधिकृत हरि भुषाल, गाउँपालिकाका वडाअध्यक्षहरु तथा पूर्व गाउँपालिका अध्यक्ष कमल भुषाल समापन कार्यक्रममा सहभागी थिए । उनीहरुले विजयी तथा पदक जित्न सफल विद्यार्थीहरुलाई पदक र प्रमाणपत्र प्रदान गरेका थिए ।
https://youtu.be/qYmb5HdkPhM?si=1poAOdkYnEHA3PGY
