SuchanaKendra

  • Radio Kushum


  • सुचनाकेन्द्र संवाददाता प्रकाशित : २०८०/७/२६ गते
    ८१२ &#२३४६;&#२३३५;&#२३२५;

    पर्बत फलेवास । जिल्ला ह्याण्डबल संघ पर्वतको अग्रसरतामा ह्याण्डबल संघ फलेवास नगर समिति गठन भएको छ । राष्ट्रिय खेलकुद विकास ऐन २०७७, राष्ट्रिय खेलकुद विकास ऐन २०७९, प्रदेश खेलकुद विकास ऐन २०७७, प्रदेश खेलकद विकास नियमावली २०७८ र नेपाल ह्याण्डबल संघको विधानअनुसार प्रत्येक जिल्लामा तीन पालिका खेल संघहरु गठन गर्ने व्यवस्था भए बमोजिम पर्वत जिल्ला ह्याण्डबल संघले ह्याण्डबल खेलको विकासका लागि विभिन्न पालिकाहरुमा ह्याण्डबल संघ गठन गर्नुपर्ने महशुष गरी पहिलोपटक फलेवासमा ह्याण्डबल संघ नगर समिति गठन भएको हो । आज फलेवासमा आयोजित ह्याण्डबल खेलमा इच्छुक खेलाडीहरुको भेलाले विवेक नेपालीको अध्यक्षतामा नगर समिति चयन गरेको थियो । नवगठित नगर समितिको उपाध्यक्ष दिपेश सुनार, सचिव समिर श्रेष्ठ, कोषाध्यक्ष सौरभ शर्मा र सदस्यहरुमा क्रमशः रोशन सुनार, विजय नेपाली, सन्देश श्रेष्ठ, युनिश श्रेष्ठ र मनोज श्रेष्ठ रहनुभएको छ । फलेवास नगरपालिका वडा नं. ६ का वडा अध्यक्ष नवीन कुमार श्रेष्ठको विशेष उपस्थितिमा सम्पन्न भएको भेलामा ह्याण्डबल खेलको बारेमा जिल्ला ह्याण्डबल संघका अध्यक्ष राजेन्द्र पहाडीले जानकारी गराउँदै नवगठित नगर समितिका पदाधिकारीहरुलाई जिल्ला संघको तर्फबाट बधाई ज्ञापन गर्नुभएको थियो । यसैगरी वडा अध्यक्ष नवीन कुमार श्रेष्ठले आफू पनि पूर्व खेलाडी भएकाले फलेवास नगरको खेल क्षेत्रको प्रवद्र्धनमा विशेष ध्यान दिने जानकारी गराउँदै निटक समयमा नै पालिकासँग अनुरोध गरेर ह्याण्डबल खेलका लागि आवश्यक बल, नेट तथा अन्य सामग्रीको प्रबन्ध गर्ने प्रतिबद्धता व्यक्त गर्नुभयो । उहाँले खेलका लागि अनुशासन अति नै जरुरी भएकाले नवगठित नगर ह्याण्डबल संघमा आबद्ध युवाहरु अनुशासित भएर अघि बढ्नुपर्ने आवश्यकता रहेको बताउनुभयो ।

    जिल्ला खेलकुद विकास समिति पर्वतका कार्यालय प्रमुख जगदिश कुँवरले स्वास्थ्यका लागि खेल राष्ट्रका लागि खेल भन्ने नारालाई सार्थक बनाउन ह्याण्डबल खेलाडीहरुले लगनका साथ आफ्नो खेलमा लागिरहनुपर्ने आवश्यकता रहेको बताउनुभयो । स्थानीय जनता माध्यमिक विद्यालयका निवर्तमान प्रधानाध्यापक तथा ह्याण्डबल प्रशिक्षक गोपाल प्रसाद श्रेष्ठले नवगठित समितिका पदाधिकारीहरुलाई बधाई दिँदै खेलको माध्यमबाट समाजलाई अनुशासित, मर्यादित र सभ्य बनाउन योगदान दिनुपर्ने खाँचो रहेको बताउनुभयो । जिल्ला ह्याण्डबल संघ पर्वतका सचिव रमेश श्रेष्ठको समग्र सहजीकरणमा सम्पन्न भएको भेलाका सहभागीहरुले परस्परमा तिहार, म्हः पूजा तथा छठ पर्वको उपलक्ष्यमा शुभकामना आदानप्रदान पनि गर्नुभएको थियो । जिल्ला ह्याण्डबल संघले अब कुश्मा नगरपालिका र मोदी गाउँपालिकामा नगरस्तरीय ह्याण्डबल संघ गठन गर्ने कार्यक्रम रहेको संघका अध्यक्ष राजेन्द्र पहाडीले हाम्रो “सूचनाकेन्द्र डटकम” लाई जानकारी दिनुभएको छ ।

    प्रतिकृया दिनुहोस्

    Loading...

    केपी ओलीलाई प्रधानमन्त्री बनाउन कांग्रेस प्रतिवद्ध छः प्रकाशशरण महत

    काठमाडौं । नेपाली कांग्रेसका प्रवक्ता एवं पूर्व अर्थमन्त्री प्रकाशशरण महतले पहिलो चरणमा एमाले अध्यक्ष केपी...

    कांग्रेस-एमालेको नयाँ सरकारका लागि भोलि नै दाबी पेश गर्ने तयारी

    काठमाडौं । नेपाली कांग्रेस र नेकपा एमालेका नेताहरु नयाँ सरकार गठन प्रक्रियालाई चाँडो टुंग्याउन लागिपरेका...

    प्रधानमन्त्री भोलि अठार महिनामा पाँचौँपटक विश्वासको मत लिँदै

    काठमाडौँ । प्रधानमन्त्री एवं नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ १८...

    इनर ह्विल क्लब अफ अन्नपूर्णको पदस्थापन सम्पन्न

    शिशिर पौडेल, पोखरा। सामजिक क्षेत्रमा कृयाशिल संस्था इनर ह्विल क्लब अफ पोखरा ५७७० को १५...

    पर्वतमा पहिरोले १ रेष्टुरेन्ट सहित ६ घर पुरयो,मध्यपहाडी र कालीगण्डकी लोकमार्ग अवरुद्ध,

    पर्वत । निरन्तरको बर्षातले पर्वतका विभिन्न ठाउँमा ठूलो मात्रामा क्षति भएको विवरणहरु प्राप्त भएका छन्...

    Loading…

    फेसबुकमा हामीलाई लाईक गरौं