गोबिन्द,पर्बत । ७ औ पर्बत महोत्सवको आज आठौ दिनमा पालिका स्तरीय पुरुष भलिबल प्रतियोगितामा दोस्रो क्वाटरफाइनल खेल बिहादी गाउँपालिका र गल्कोट नगरपालिका,बाग्लुंग बीच भएको निकै प्रतिस्पर्धात्मक खेलमा गल्कोट नगरपालिका ३-० को सोझो सेटमा बाजी मार्यो ।खेल निकै प्रतिस्पर्धात्मक भएको थियो । बेस्ट अफ फाईपमा भएको खेलमा गल्कोट नगरपालिका,बाग्लुंग पहिलो सेट २५-१७ ले जित्यो भने दोस्रो सेट २८-२६ ले जित निकाल्दा तेस्रो सेट पनि २५-१६ ले जित हासिल गर्दै सेमिफाइनलमा प्रबेश गर्न सफल भयो ।
नकआउट चरण मा खेलईने उक्त प्रतियोगितामा प्रथम हुनेलाई सर्बाधिक पुरस्कार २,००,०००/ (दुईलाख , सिल्ड मेडल र प्रमाणपत्र) दोश्रो लाई १,००,०००/ (एकलाख, सिल्ड मेडल र प्रमाणपत्र) तृतीय हुने लाई नगद ३०,०००/ (तिस हजार रुपयाँ सिल्ड मेडल र प्रमाणपत्र) र सान्त्वना टिमलाई पनि ३०,०००/ (तिस हजार, सिल्ड मेडल र प्रमाणपत्र) रहेको छ । प्रतियोगिता सफाल बनाउन जिल्ला खेलकुद विकास समिति,पर्बत र जिल्ला भलिबल संघ पर्बतले पनि व्यवस्थापनमा सहयोग गरेको खेल संयोजक शेरबहादुर चोचाङ्गीले हाम्रो सूचना केन्द्र डटकम लाई जानकारी गराउनु भयो ।
